Рыла

Ры́ла, ці Рыла-Планіна (па-баўгарску: Рила, Рила-Планина) — горны масіў на паўднёвым захадзе Баўгарыі, самы высокі на Балканскім паўвостраве (2925 м, гара Мусала). Даўжыня каля 80 км. Складзены са старажытных крышталічных і мэтамарфічных пародаў. Характэрны востраканцовыя вяршыні, цыркі, трогі.

Рыла
Найвышэйшы пункт
Мусала[d]
Вышыня	2925 м н. у. м.
Памеры
Плошча	2629 км²
Геаграфія
Месцазнаходжаньне	Баўгарыя
Кантынэнт	Эўразія
Краіна	Баўгарыя
Горная сыстэма	Родапскі масіў[d]
Рыла на мапе Баўгарыі Рыла
Рыла ў Вікісховішчы

З Рылы бяруць пачатак рэкі Іскыр, Марыца, Места. На вышыні 2100—2500 м ледніковыя азёры, на схілах шыракалістыя і хвойныя лясы, вышэй за 2000—2100 м субальпійскія і альпійскія лугі.

У гарах разьвіты турызм і зімні спорт. Акрамя таго, у Рыле разьмешчана некалькі курортаў зь мінэральнымі крыніцамі.

У паўднёва-заходніх адгор’ях — Рыльскі манастыр.

Галерэя

• 
  Помнік на гары Мусале
• 
  Гара Мальёвіца зімой
• 
  Вытокі ракі Марыцы
• 
  Адно зь Сямі Рыльскіх азёраў