«Рубон» — беларускі баскетбольны клюб зь Віцебску, што выступае ў найвышэйшай лізе чэмпіянату Беларусі.

Гісторыя рэдагаваць

	БК Рубон
Ранейшыя назвы	Лякаматыў
Заснаваны	2006
Мінуўшчына	Шыком-Лякаматыў; (1995—1997); Лякаматыў; (1997—2000); Лякаматыў-КіС; (2000—2011); Рубон; (2011 — цяпер);
Месцазнаходжаньне	Віцебск, Беларусь
Арэна	Віцебскі цэнтральны спартовы комплекс ; Зьмяшчальнасьць: 330
Галоўны трэнэр	Руслан Байдакоў
Чэмпіянат	Беларусі
Форма
Клюбныя колеры
; ; ; Хатняя	; ; ; Выязная
Спасылкі
	Афіцыйная бачына

Мужчынскі баскетбольны клюб быў заснаваны летам 1995 году, калі дзякуючы фінансавай падтрымцы Яўгена Шаракова і яго фірмы «Шыком» каманда з аднайменным назовам прыняла ўдзел у турніры «Спалдзінг» у Менску. Ідэйным натхняльнікам і галоўным трэнэрам стаў заслужаны трэнэр Рэспублікі Беларусь Дзьмітры Рыбакоў. Каманда заняла 2-е месца, пасьля чаго было вырашана захаваць яе і ператварыць у прафэсійны клюб.

У сэзоне 1995/96 каманда атрымала ліцэнзію ад Беларускай фэдэрацыі баскетболу і стала сталым удзельнікам найвышэйшай лігі чэмпіянату Беларусі па баскетболе. Кіраваць камандай працягнуў Дзьмітры Рыбакоў. Ужо праз два гады пасьля заснаваньня (сэзон 1997/98) каманда стала срэбраным прызэрам чэмпіянату Беларусі.

Практычна з самага заснаваньня спонсарамі сталі кампанія «КіС» і Віцебскае аддзяленьне «Беларускай чыгункі», таму ў розны час віцябляне выступалі пад назвамі «Шыкам-Лякаматыў» і «Лякаматыў-КіС».

У 2000-я гады Дзьмітры Рыбакоў працягваў заставацца дырэктарам і галоўным трэнэрам, але фактычна гульнёй каманды кіравалі старэйшыя трэнэры Аляксандар Гуляеў (2001—2006), Сяргей Махон (2006—2008) і Руслан Байдакоў (2008—2009), а ў сэзоне 2004/2005 у якасьці кансультанта ў камандзе працаваў самы тытуляваны беларускі трэнэр Аляксандар Барысаў. У гэтыя гады каманда выйгравала срэбраныя (2003/2004) і бронзавыя (2004/2005) мэдалі чэмпіянату Беларусі.

З 2009 году галоўным трэнэрам зьяўляецца Руслан Байдакоў — выхаванец віцебскага баскетболу, пераможца моладзевага чэмпіянату Эўропы 1994 году, які гуляў за беларускія, расейскія, польскія і нямецкія клюбы, які кіраваў юніёрскай, моладзевай і нацыянальнай зборнымі Беларусі.

Напачатку сэзону 2011/12 было вырашана зьмяніць назву каманды. Пасла шэрагу кансультацыяў з прадстаўнікамі віцебскіх СМІ і заўзятарамі была абараная назва «Рубон»^[1].