Reuters

«Ройтэрз» (анг. Reuters) — брытанскае інфармацыйнае агенцтва, заснаванае Паўлем Ройтэрам у 1851 годзе. У асноўным спэцыялізуецца на зьбіраньні й распаўсюдзе фінансавай інфармацыі з сусьветных фондавых біржаў. Зь 2008 г. у выніку продажу ўваходзіць у склад амэрыканскага прадпрыемства «Томсан Ройтэрз». Карэспандэнтам у Беларусі зьяўляецца Андрэй Махоўскі.

«Ройтэрз»

Тып	Падразьдзяленьне
Заснаваная	кастрычнік 1851
Заснавальнікі	Паўль Ройтэр (нар. Ізраіль Ёзафат)
Уласьнікі	Томсан Ройтэрз[d]
Краіна	Вялікабрытанія
Разьмяшчэньне	Лёндан, Ангельшчына
Ключавыя фігуры	Эндру Рэшбас
Галіна	СМІ
Прадукцыя	Навіны
Абарачэньне	$372 млн (2012)
Лік супрацоўнікаў	2500 чал.
Матчына кампанія	«Томсан Ройтэрз»
Даччыныя кампаніі	Reuters TV[d]
www.reuters.com
«Ройтэрз» у Вікісховішчы

Мінуўшчына

У 1858 г. Паўль Ройтэр адчыніў прадстаўніцтвы ў краінах мацерыковай Эўропы. У 1923-ым «Ройтэрз» пачаў выкарыстоўваць радыё для перадачы навінаў празь межы і адначасна запусьціў службу цэнавых катыровак і валютных курсаў на доўгіх хвалях. З 1964 пачалася перадача рынкавых катыровак пры дапамозе кампутара. У 1973 «Ройтэрз» запусьціў электронны рынак валюты. У 1981 упершыню ў сьвеце ўвёў заключэньне валютных дамоваў празь відэатэрміналы. У 1985 запусьціў церазьмежныя фотанавіны. У 1992 — першую міжнародную кампутарную службу валютных курсаў. У 1994 пачаў наўпроставае тэлевяшчаньне ваганьняў рынка на гандлёвых экранах.

Вонкавыя спасылкі

Reuters — сховішча мультымэдыйных матэрыялаў

• Мабільная бачына^(анг.)
• RSS-паток^(анг.)
• RSS відэанавінаў^(анг.)
• Фотанавіны^(анг.)
• Эўрапейскія рынкі^(анг.)