Разец (сузор’е)

Разе́ц (па-лацінску: Caelum, Cae) — невялікае цёмнае сузор’е ў паўднёвай частцы зорнага неба, створанае францускім астраномам Нікаля Люі дэ Лякайлем у 1750-х гадох. Гэта восьмае самае малое паводле плошчы сузор’е — крыху меншае па плошчы як Паўднёвая Карона.

Разец
Сьпіс зорак у сузор’і Разца
Лацінская назва	Caelum
· у родным склоне	Caeli
· скарот	Cae
Простае ўзьняцьцё	5г
Схіленьне	−40°
Квадрант	SQ1
Плошча	125 кв. гр. (81-е)
Зорак паводле Баера/Флэмстыда	8
Зорак з плянэтамі	0
Зорак ярчэй за 3.00m	0
Зорак у 10 пк (32,62 сьв. г.)	1
Найярчэйшая зорка	α Cae (4,45m)
Найбліжэйшая зорка	RR Cae (26,31 сьв. г., 8,07 пк)
Аб’екты Мэсье	0
Мэтэорныя патокі	Няма
Памежныя сузор’і	Голуб Заяц Эрыдан Гадзіньнік Залатая Рыба Жывапісец (сузор’е)
Назіраецца ў шыротах паміж +40° і −90°. Найлепш назіраецца ў 21:00 на працягу студзеня.

Адметнасьці

Сузор’ Разец у начным небе.

Глядзіце таксама: Сьпіс зорак у сузор’і Разца

Разец — цёмнае, непраметнае сузор’е. У ім ня маецца зорак ярчэйшых за чацьвертую зорную велічыню. Найярчэйшай зоркай зь велічынёй 4,45^m зьяўляецца α Разца.

• α Разца — белая зорка асноўнай пасьлядоўнасьці, зорнай велічынёй 4,45, за 66 сьв. г. ад Зямлі.
• β Разца — белая зорка 5-й велічыні за 90 сьв. г. ад Зямлі.
• γ Разца — аптычная падвойная зорка, першасны кампанэнт — аранжавая зорка зорнай велічыні 4,6, другасны мае велічыню 8,1. Першасная зорка ляжыць за 185 сьв. г. ад Зямлі. Праз аматарскія тэлескопы будзе складана адрозьніць два кампанэнты з-за розьніцы ў зорнай велічыні і набліжанасьці іх адзін да аднаго.
• δ Разца — сіне-белая зорка з зорнай велічынёй 5,1 за 710 сьв. г. ад Зямлі.

У Разцы таксама месьцяцца некалькі галяктык: NGC 1571, NGC 1679 і IC 2106. Усе яны не ярчэйшыя за 11,5 зорную велічыню і ня большыя за 3 мінуты.

Літаратура

• Ridpath, Ian; Tirion, Wil Stars and Planets Guide. — Princeton University Press, 2001. — ISBN 0-691-08913-2
• Ridpath, Ian; Tirion, Wil Stars and Planets Guide. — Princeton University Press, 2007. — ISBN 978-0-691-13556-4