Рагнгільда Швэдзкая

каля 1117) — мясцовая шануймая каталіцкая сьвятая, чый культ зафіксаваны ў сераднявечнай Швэцыі

Рагнгільда Швэдзкая (1075 — каля 1117) — мясцовая шануймая каталіцкая сьвятая, чый культ зафіксаваны ў сераднявечнай Швэцыі. Часьцей за ўсё асацыюецца з царквой у Сёдэртэлье ў ляндскапе Сёдэрманлянд і Стрэнгнэскай дыяцэзіі Швэцыі. Паводле шэрагу крыніцаў, была таксама швэдзкай каралевай, жонкай Інге II.

Рагнгільда Швэдзкая
Ragnhild
Рагнгільда Швэдзкая
Рагнгільда Швэдзкая
Сьвятая
Нарадзілася 1075
Памерла 1117
Шануецца Швэцыя
Галоўная сьвятыня Царква сьвятой Рагнгільды (Сёдэртэлье)

Біяграфія рэдагаваць

Лічыцца заснавальніцай касьцёлу (пазьней — лютэранскай кірхі) ў Сёдэртэлье, дзе й была пахаваная. Калі яна была рэальнай асобай, дык жыла ў ХІ-ХІІ стст. Традыцыйнай датай сьмерці лічыцца 1117 год. Тым ня менш, ніводная крыніца ранейшая за ХV стагодзьдзе яе ня ўзгадвае. Эпітафія з узгаданага касьцёлу была запісана ў XVII стагодзьдзі Эліясам Пальмшэльдам. У крыніцах ХV ст. пазначаецца, што яна была каралевай, дачкой Гальстэна (магчыма, Гальстэна Стэнкільсана) і каралевай, жонкай ці то Інге I, ці Інге II, што замінае ёй быць генэалягічна й храналягічна дачкой Гальстэна Стэнкільсана. Насьценныя выявы Рагнгільды, якія датуюцца ХV ст., можна ўбачыць у цэрквах у Бёр’е й Віксьце ва Ўпляндзе ды ў Энонгеры, што знаходзіцца ў Гэльсынгляндзе (усе ва Ўпсальскай дыяцэзіі).

Цікавасьць да Рагнгільды (і некаторых іншых мясцовых сьвятых) і ўвогуле да швэдзкае мінуўшчыны аднавілася пасьля некаторага зацішша рэфармацыі ў XVI—XVII стст. У сваю чаргу праца швэдзкага каталіцкага сьвятара Ёганэса Вастовіюса «Vitis aquilonia» (Паўночная лаза), надрукаваная ў 1623 годзе, выклікала пераасэнсаваньне чалавечае выявы на пячатцы гораду Сёдэртэлье як выявы Рагнгільды.

У Блякэбэргу (у заходняй частцы Стакгольму) знаходзіцца капліца сьвятой Рагнгільды.

Папярэднік
Інгегерд Нарвэская
Швэдзкія каралевы
1105—1117
Наступнік
Ульвгільда