Пётар Фірлей (ваявода рускі)

Пётар Фірлей гербу Леўарт († 1 верасьня 1553) — магнат Рэчы Паспалітай, каралеўскі прыдворны, кашталян Хэлмнаскі (1527 г.), староста: люблінскі, радамскі, казімескі. Сын Мікалая Фірлея і Ганны Мялецкай.

Пётар Фірлей

Асабістыя зьвесткі
Нарадзіўся	XV стагодзьдзе
Памёр	1 верасьня 1553
Пахаваны	Люблін
Род	Фірлеі[d]
Бацькі	Мікалай Фірлей
Дзеці	Мікалай Фірлей, Ян Фірлей[d] і Андрэй Фірлей[d]

Надмагільная пліта Мікалая і Пятра Фірлеяў у дамініканскім касьцёле ў Любліне

У час вайны з Масковіяй браў удзел у бітве пад Воршай 8 верасьня 1514 г. Быў дарадцам каралевы Боны, а потым Жыгімонта Аўгуста. У кастрычніку 1535 году быў прызначаны кашталянам бецкім, а празь месяц ужо стаў кашталянам вісьліцкім. У 1537 г. стаў ваяводам люблінскім і быў на гэтай пасадзе да 1545 г., калі па сьмерці Станіслава Адраванжа ў 1545 стаў ваяводам рускім. У 1551—1552 гг. удзельнічаў у барацьбе з паўстаньнямі супраць Кароны ў Прусіі.

У 1532 г. арандаваў радамскае староства і захоўваў яго да самай сьмерці. Таксама арандаваў староствы казімескае і люблінскае.

Зафундаваў Янавец на землях вёскі Сэракомля і Любартуў, дзе пабудаваў замкі.

Быў жанаты з Кацярынай Тэчынскай з гербу Тапор. У іх нарадзілася 6 дзяцей:

• Ян Фірлей
• Мікалай Фірлей
• Андрэй Фірлей
• Ганна Фірлей
• Ядзьвіга Фірлей
• Барбара Фірлей