Прэзыдэнцкія выбары ў Польшчы 2010 году
Прэзыдэнцкія выбары ў Польшчы 2010 году — датэрміновыя выбары, якія былі прызначаныя празь сьмерць прэзыдэнта Польшчы Леха Качынскага ў авіякатастрофе пад Смаленскам 10 красавіка 2010 году. Першы тур адбыўся 20 чэрвеня, у ім ні адзін з кандыдатаў не набраў большасьці галасоў. У другім туры 4 ліпеня Браніслаў Камароўскі перамог Яраслава Качынскага.
Працэдуры
рэдагавацьВыбары прызначыў, у адпаведнасьці з канстытуцыяй, маршалак сойму Браніслаў Камароўскі 21 красавіка 2010 году[1]. Каб прайсьці афіцыйную рэгістрацыю, кожны жадаючы стаць кандыдатам у прэзыдэнты мусіў сабраць сто тысячаў подпісаў грамадзян. Змаглі гэта зрабіць 10 асобаў[2].
Вынікі выбараў
рэдагаваць
Першы тур выбараў адбыўся 20 чэрвеня 2010 году. Паколькі ніводны кандыдат ня здолеў атрымаць больш за 50% галасоў, быў прызначаны другі тур выбараў, які адбыўся 4 ліпеня. У ім узялі ўдзел двое кандытатаў, якія атрымалі найбольшую колькасьць галасоў — гэта Браніслаў Камароўскі (41,54%) ды Яраслаў Качынскі (36,46%).[3]
Першы тур
рэдагаваць| Кандыдат | Галасоў «за» | Адсотак |
|---|---|---|
| Браніслаў Камароўскі | 6 981 319 | 41,54% |
| Яраслаў Качынскі | 6 128 255 | 36,46% |
| Гжэгаж Наперальскі | 2 299 870 | 13,68% |
| Януш Корвін-Міке | 416 898 | 2,48% |
| Вальдэмар Паўляк | 294 273 | 1,75% |
| Анджэй Аляхоўскі | 242 439 | 1,44% |
| Анджэй Лепэр | 214 657 | 1,28% |
| Марэк Юрэк | 177 315 | 1,06% |
| Багуслаў Зентэк | 29 548 | 0,18% |
| Карнэль Маравецкі | 21 596 | 0,13% |
| Разам | 16 806 170 | 100% |
| Яўка выбарнікаў | 54,94% | |
Другі тур
рэдагаваць| Кандыдат | Галасоў «за» | Адсотак |
|---|---|---|
| Браніслаў Камароўскі | 8 933 887 | 53,01% |
| Яраслаў Качынскі | 7 919 134 | 46,99% |
| Разам | 16 853 021 | 100% |
| Яўка выбарнікаў | 55,31% | |
Крыніцы
рэдагаваць- ^ Postanowienie Marszałka Sejmu Rzeczypospolitej Polskiej z dnia 21 kwietnia 2010 r. o zarządzeniu wyborów Prezydenta Rzeczypospolitej Polskiej, Dz. U. Nr 65, poz. 405. (пол.)
- ^ Uchwała Państwowej Komisji Wyborczej z dnia 17 maja 2010 r. w sprawie listy kandydatów na Prezydenta Rzeczypospolitej Polskiej w wyborach zarządzonych na dzień 20 czerwca 2010 r. (пол.)
- ^ Старонка Дзяржаўнай выбарчай камісіі Польшчы. Вынікі галасаваньня (пол.)
Вонкавыя спасылкі
рэдагаваць
Прэзыдэнцкія выбары ў Польшчы 2010 году — сховішча мультымэдыйных матэрыялаў