Праспэкт Ракасоўскага (Менск)
Праспэ́кт Ракасоўскага — магістральная вуліца ў Ленінскім раёне Менску, кампазыцыйная вось жылога раёну Серабранка.
| праспэкт Ракасоўскага | |
| праспэкт | |
 Разьмешчаны на праспэкце першы ў Менску гіпэрмаркет | |
| Агульная інфармацыя | |
|---|---|
| Раён гораду | |
| Мікрараён |
|
| Гістарычны раён | Шэйпічы, Серабранка |
| Даўжыня | каля 3 км |
| Праспэкт праспэкт Ракасоўскага ў Вікісховішчы | |
Названы ў гонар Канстанціна Ракасоўскага (1896—1968), савецкага ваеначальніка, Маршала Савецкага Саюзу, Маршала Польшчы, Двойчы Героя Савецкага Саюзу.
Будаўніцтва пачалося ў 1970-я гады. Праспэкт забудаваны пераважна дзевяціпавярховымі і больш высокімі панэльнымі дамамі. У апошняе дзесяцігодзьдзе ўздоўж праспэкту пачатае ўзьвядзеньне вышынных маналітных і каркасна-блёкавых дамоў.
Праспэкт пачынаецца ад развязкі з вуліцамі Ванеева, Трасьцянецкай і Алега Кашавога, перасякае вуліцу Пляханава і канчаецца скрыжаваньнем з вуліцай Малініна каля Чыжоўскага вадасховішча. Паралельна праспэкту ідуць вуліцы Гараўца й Якубава. На ўсім працягу праспэкту дзейнічае аўтобуснае і інтэнсіўнае тралейбуснае паведамленьне. Найбліжэйшыя станцыі метро — Пралетарская, Трактарны завод, Партызанская — разьмешчаныя прыкладна ў двух кілямэтрах ад праспэкту.
У 2011 годзе плянуецца пашырыць праспэкт да васьмі палосаў і ўладкаваць уздоўж яго пешаходны бульвар зь невялікімі зонамі адпачынку і роварнымі дарожкамі. Раней плянавалася пусьціць уздоўж праспэкту лінію хуткаснага трамвая[1]. Пазьней будаўніцтва трамвайнай лініі было выключана з праекту. На месцах, якія адводзяцца пад трамвайныя шляхі, будуць разьмешчаныя аўтамабільныя паркоўкі[2].