Помнік Тарасу Шаўчэнку (Кіеў)

Славутасьць
Помнік Тарасу Шаўчэнку ў Кіеве Пам'ятник Тарасові Шевченку у Києві
Помнік Тарасу Шаўчэнку ў Кіеве
Краіна	Украіна
Места	Кіеў
Каардынаты	50°26′30″ пн. ш. 30°30′46″ у. д.
Аўтар праекту	Мацьвей Манізэр
Дата заснаваньня	1939
Помнік Тарасу Шаўчэнку ў Кіеве на мапе Ўкраіны Помнік Тарасу Шаўчэнку ў Кіеве
Помнік Тарасу Шаўчэнку ў Кіеве на Вікісховішчы

По́мнік Тара́су Шаўчэ́нку — помнік вялікаму ўкраінскаму паэту, пісьменьніку й мастаку Тарасу Шаўчэнку ў Кіеве (Украіна). Знаходзіцца ў парку Шаўчэнкі, насупраць Чырвонага корпусу Кіеўскага ўнівэрсытэту. Зьяўляецца адным з сымбаляў сучаснага Кіева.

Апісаньне

Помнік адкрыты 6 сакавіка 1939 году на месцы былога помніка Мікалаю I, заснавальніку Кіеўскага імпэратарскага ўнівэрсытэту св. Уладзімера, які быў дэмантаваны бальшавікамі ў 1920 годзе і пераплаўлены на заводзе «Арсэнал». Адкрыцьцё было прымеркаванае да 125-годзьдзя з дня нараджэньня паэта. З гэтай нагоды ўнівэрсытэту і парку было таксама прысвоенае імя вялікага ўкраінца.

Народны паэт стаіць прама, з трошкі нахіленай наперад галавой. Твар выказвае самотныя разважаньні. Рукі паэта складзеныя за сьпіной. На левай руцэ вісіць паліто або плашч.

Сучаснасьць

Пры незалежнай Украіне, з 1991 году, да помніка Кабзару традыцыйна ўскладаюць кветкі першыя асобы дзяржавы на чарговую гадавіну з дня сьмерці Тараса Шаўчэнкі і з нагоды афіцыйных украінскіх сьвятаў, а таксама замежныя высокія госьці падчас візытаў ва Ўкраіну. Акрамя таго, у 1995—1996 гадах малюнак помніка быў разьмешчаны на ўкраінскай банкноце наміналам у адзін мільён карбованцаў.

Сёньня помнік Тарасу Шаўчэнку зьяўляецца галоўнай дамінантай парку Шаўчэнкі і адным з сымбаляў сучаснага Кіева. Каля манумэнта нярэдка праходзяць сходы грамадзян, мітынгі розных палітычных сілаў і грамадзкіх рухаў. Таксама каля помніка Кабзару традыцыйна праводзіцца шэраг культурных мерапрыемстваў, у прыватнасьці, штогод ля падножжа помніка праходзіць цырымонія ўручэньня народнай шаўчэнкаўскай прэміі.

Вонкавыя спасылкі

Помнік Тарасу Шаўчэнку (Кіеў) — сховішча мультымэдыйных матэрыялаў