Першы ўзвод

«Пе́ршы ўзвод», альтэрнатыўная назва «Захо́дні фронт» — беларускі мастацкі фільм рэжысэра Ўладзімера Корш-Сабліна 1933 року. Першы гукавы беларускі фільм, а таксама першая работа ў кіно кампазытара Ісака Дунаеўскага. У фільме апісаныя дзеі ўзводу беларускіх працаўнікоў у часе Першай сусьветнай вайны і Грамадзянскай вайны ў Расеі.

Першы ўзвод
Першы ўзвод па-расейску: Первый взвод
Жанр	ваенная драма[d], драматычны фільм[d] і ваенны фільм[d]
Рэжысэр	Уладзімер Корш-Саблін
Сцэнарыст	Барыс Брадзянскі[d]
У ролях	Хведар Нікіцін[d] Міхаіл Цароў[d] Галіна Краўчанка[d] Барыс Бабачкін[d] Давід Гутман[d] Андрэй Кастрычкін[d] Леанід Кміт[d] Барыс Шліхтынг[d] Алег Жакаў[d] Міхаіл Растоўцаў[d] Якаў Малюцін[d] Уладзімер Сладкапеўцаў[d] Аркадзь Райкін[d] Герман Хаванаў[d]
Кампазытар	Ісак Дунаеўскі[d]
Апэратар	Аркадзь Кальцаты[d] Барыс Рабаў[d]
Вытворчасьць	Беларусьфільм
Дата выхаду	23 лютага 1933 і 1932
Працягласьць	83 хвіліна
Краіна	БССР СССР
Мова	беларуская мова і расейская мова
Старонка на IMDb

Сюжэт

1914 рок, пачатак Першай сусьветнай вайны. На фронт выпраўляецца першы ўзвод, сфармаваны ў адным зь беларускіх местаў. Некаторыя жаўнеры, у тым ліку Макар Бобрык і Давід Шапіра, асуджаюць вайну, аднак большасьць зь іх яшчэ не разумеюць сацыяльнага сэнсу падзеяў.

Першы ўзвод ідзе ў бой і трапляе пад газавую атаку немцаў. Частка, якая страціла шмат ваяроў, адводзяць у тыл. Тут Бобрык і Шапіра сустракаюцца зь іншымі працоўнымі, сярод якіх дзейнічаюць бальшавіцкія актывісты. Бобрык і Шапіра атрымліваюць заданьне падтрымліваць сувязь першага ўзводу з партыйнай арганізацыяй.

У працяглых акопных бітвах мінаюць 1915—1916 рокі. Надыходзіць люты 1917. На фронт прыходзіць вестка пра зрынаньне цара і ўсталяваньне ўлады Часовага ўраду. На мітынгу ў ролі «патрыёта» выступае колішні аграном — прапаршчык Веліканаў, які заклікае жаўнераў працягваць вайну. Бобрык з свайго боку паведамляе пра Саветы працоўных, сялянскіх і салдацкіх дэпутатаў, што бяруць уладу ў свае рукі. Вайскова-рэвалюцыйны камітэт фронту(d) даручае Бобрыку накіраваць бронецягнік у заняты белымі Менск на дапамогу рэвалюцыйнаму камітэту. Камандзірам бронецягніка аказваецца Веліканаў. У змаганьні за бронецягнік перамагае ўзвод жаўнераў, якім камандуе Бобрык. Бронецягнік скіроўваецца ў Менск.

Вытворчасьць

Акторы

Актор	Роля
Хведар Нікіцін	Міхась Веліканаў Міхась Веліканаў
Міхаіл Цароў	Мікалай Керанка паручнік Мікалай Керанка
Галіна Краўчанка	Алеся Керанка сястра паручніка Алеся Керанка
Барыс Бабачкін	Макар Бобрык сьлесар-чыгуначнік Макар Бобрык
Давід Гутман	Давід Шапіра Давід Шапіра
Зінаіда Рыкомі	Сара Шапіра жонка Давіда Сара Шапіра
Андрэй Кастрычкін	Пятрусь кашавар Пятрусь
Леанід Кміт	Алесь навабранец Алесь
Барыс Штыхлінг	ацалелы ў баёх афіцэр
Алег Жакаў	Васільеў прапаршчык Васільеў
Міхаіл Растоўцаў	штабс-капітан
Якаў Малюцін	палкоўнік
Уладзімер Сладкапеўцаў	Шміт гаспадар крамы Шміт
Алена Валынцава	Петрусёва маці
Віктар Захараў	жаўнер
Аркадзь Райкін	жаўнер
Герман Хаванаў	жаўнер

Кінэматаграфісты

Рэжысэр: Уладзімер Корш-Саблін.

Сцэнарыст: Барыс Брадзянскі.

Апэратары: Аркадзь Кальцаты, Барыс Рабаў.

Кампазытар: Ісак Дунаеўскі.

Маляр: Сямён Мейнкін.

Вонкавыя спасылкі

• «Першы ўзвод», які запаліў новыя зоркі. Узгадалі першы поўнамэтражны гукавы беларускі фільм  (рас.)