Паловец

рака ў Беларусі

Пало́вец (у высокай плыні — Ча́рна) — рака ў Лёзьненскім і Віцебскім раёнах Беларусі, правы прыток ракі Вымнянкі (басэйн Дзьвіны). Даўжыня 21 км. Плошча вадазбору 158 км². Сярэдні нахіл воднай паверхні 4,2‰.

Рака
Паловец
Агульныя зьвесткі
Выток каля в. Куракі
Вусьце Вымнянка
Краіны басэйну Беларусь
Вобласьці Віцебская вобласьць
Даўжыня 21 км
Плошча басэйну 158 км²
Нахіл воднай паверхні 4,2 ‰

Прыток — рака Гарна (правы).

Пачынаецца за 1 км на захад ад вёскі Куракі Лёзьненскага раёну, цячэ ў межах Віцебскага ўзвышша. Вусьце за 0,5 км ад мястэчка Янавічы Віцебскага раёну. Мае каналізаванае рэчышча на працягу 7,5 км угару ад вусьця[1].

Крыніцы рэдагаваць

  1. ^ Блакітная кніга Беларусі. Энцыкл. — Мн.: 1994. С. 282

Літаратура рэдагаваць

  • Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 282