Палеская легенда (фільм)

«Пале́ская леге́нда» — беларускі мастацкі фільм, зьняты на кінастудыі «Беларусьфільм» па матывах апавяданьня Ўладзімера Караленкі «Лес шуміць». Выйшаў на экраны 5 чэрвеня 1957 году.

Палеская легенда
Жанр	мастацкі
Рэжысэр	Пётар Васілеўскі, Мікалай Фігуроўскі
Сцэнарыст	Аляксандр Айзікавіч Вітэнзон[d]
Заснаваны на	«Лес шуміць» (1920)[d]
Кампазытар	Ісак Любан
Апэратар	Уладзімер Акуліч
Вытворчасьць	Беларусьфільм
Дата выхаду	1957
Краіна	БССР
Старонка на IMDb

Сюжэт

У маёнтку пана Івана служыць лясьніком прыгонны Раман. Раман ловіць у панскім лесе селяніна Міхася, які забіў лісу (ён з маленькім сынам галадае), і вядзе яго да пана. Тым часам у маёнтку гуляньне. Госьці слухаюць сьпевы Апанаса, вольнага селяніна. За прыгожыя сьпевы пан абяцае выканаць любое жаданьне хлопца. Апанас просіць даць вольную яго нявесьце Аксане. Прыгажосьць дзяўчыны ўражвае пана і яго гасьцей, асабліва пана Антонія, які просіць аддаць яму Аксану ў абмен на зграю сабак. Але ў пана Івана іншыя пляны. Ён адпраўляе Апанаса да гарадзенскага ваяводы сьпяваць на балі і падчас яго адсутнасьці гвалтуе Аксану, а потым вырашае аддаць яе ў жонкі лясьніку Раману…

Акторы

• Ала Ларыёнава — Аксана
• Іван Пераверзеў — Раман
• Леанід Кадраў — Апанас
• Леанід Рахленка — Пан Іван
• Уладзімер Уладамірскі — Багдан
• Глеб Глебаў — Пан Антоній
• Віктар Кулакоў — Міхась
• Віця Лазараў — Васілёк

У эпізодах здымаліся: Уладзімер Дзядзюшка, Марыя Зінкевіч, Гэрбэрт Дзьмітрыеў, Кузьма Кулакоў, Аляксандар Кістоў, Яўген Карнавухаў, Аляксандра Клімава, Уладзімер Кудрэвіч, Васіль Краўцоў, Вітаўтас Канцлерыс і іншыя.