О́льстэр (па-ірляндзку: Ulaidh / Cúige Uladh, па-ангельску: Ulster) — правінцыя на поўначы Ірляндыі, аб'ядноўвае графствы Антрым, Арма, Каван, Фэрмана, Лёндандэры, Данегол, Даўн, Монахан, Тырон, разьмяшчаецца на тэрыторыі Рэспублікі Ірляндыі (3 графствы) й Паўночнай Ірляндыі (6 графстваў). Найбуйнейшы населены пункт — Бэлфаст. Насельніцтва складае 1 993 918 чалавек, сярод усіх ірляндзкіх правінцый гэта другі паказьнік паводле колькасьці насельніцтва. Асноўнай мовай зьяўляецца ангельская, другая паводле распаўсюджанасьці — ірляндзкая. Часам Ольстэрам памылкова называюць Паўночную Ірляндыю.

Ольстэр
Ulaidh
Coat of arms of Ulster.svg
Flag of Ulster.svg

Сьцяг
Агульныя зьвесткі
Краіна Ірляндыя, Паўночная Ірляндыя
Статус Правінцыя
Адміністрацыйны цэнтар Бэлфаст
Найбольшы горад Бэлфаст
Насельніцтва (2006)
1 993 918 (2-е месца)
Плошча 24 481 км² (1-е месца)
Месцазнаходжаньне Ольстэра
Ольстэр на мапе
Мэдыя-зьвесткі
Часавы пас UTC+0
Код ISO 3166-2 IE-U
Commons-logo.svg   Дадатковыя мультымэдыйныя матэрыялы

ГісторыяРэдагаваць

У раньнім Сярэднявеччы правінцыяй кіравала дынастыя О’Нілаў. Пасьля нарманскага ўварваньня ў XII стагодзьдзі Ольстэр трапіў пад кантроль нарманскіх баронаў — спачатку дэ Курсі, затым — дэ Лясі. Яны стварылі тут Ольстэрскае графства. У XIX стагодзьдзі Ольстэр стаў самай заможнай і квітнеючай правінцыяй Ірляндыі, а Бэлфаст пераўзышоў сталіцу, Дублін, паводле насельніцтва. У XX стагодзьдзі Ольстэр стаў арэнай сутыкненьняў ІРА і праангельскіх ольстэрскіх юніяністаў (Асацыяцыя абароны Ольстэру, Добраахвотніцкі фронт Ольстэру).