Нэксэ Нашыцэ

ГК «На́шыцэ» (па-харвацку: Rukometni Klub Nexe Našice), з 2006 спонсарская назва «Нэксэ Нашыцэ» (харв. Nexe Našice) — гандбольны клюб з Нашыцэ (Харватыя), заснаваны ў 1959 року. Выступае ў нацыянальным чэмпіянаце і рэгіянальнай СЭГА-лізе. Хатнія матчы праводзіць на арэне імя караля Таміслава зьмяшчальнасьцю 2500 гледачоў.

Нэксэ Нашыцэ
Поўная назва	Гандбольны клюб Нашыцэ
Кароткая назва	Нэксэ
Заснаваны	5 лістапада 1959
Месцазнаходжаньне	Нашыцэ, Харватыя
Арэна	Спартовая арэна імя караля Таміслава Зьмяшчальнасьць: 2500
Прэзыдэнт	Ёсіп Эргавіч
Галоўны трэнэр	Здэнка Кордзі
Чэмпіянат	Харвацкая гандбольная прэм’ер-ліга
2013—2014	2
Форма
Клюбныя колеры
Хатняя Выязная
Спасылкі
Афіцыйная бачына

Мінуўшчына

У 1956 року ў Нашыцах была заснаваная гандбольная школа, а праз тры гады створаны спартовы клюб пад назовам ГК «Партызан». Першая гульня клюбу адбылася ў 1960 року супраць ГК «Палёт».

«Партызан» пачаў выступ у рэгіянальнай лізе, а ў 1974 выйшаў у Харвацкую лігу Славоніі і Бараньі. У той час за клюб гуляў прадстаўнік югаслаўскай зборнай Паўле Юрына(hr).

Пасьля развалу Югаславіі клюб выступаў у Міжрэгіянальнай і Трэцяй лігах, пакуль у 2001 ня выйшаў у Другую лігу Харватыя-Поўнач і не працягнуў шлях наверх. У сэзоне 2004—2005 рокаў каманда стала чэмпіёнкай ліга Харватыя-Поўнач і ўдзельнічала ў кваліфікацыйных гульнях за выступ у Першай лізе Харватыі, аднак ня здолела туды прабіцца. Аднак ужо ў наступным сэзоне кваліфікацыя была пераадоленая, і клюб упершыню прабіўся ў найвышэйшы харвацкі дывізіён.

Ад сэзону 2006—2007 рокаў спонсарам клюбу зьяўляецца «Nexe Grupe», у сувязі з чым каманда была перайменаваная ў «Нэксэ Нашыцэ».

З 2011 року клюб выступае ў СЭГА-Лізе.

Дасягненьні

• Віцэ-чэмпіён Харватыі: 6
  • 2009, 2010, 2011, 2012, 2013, 2014
• Паўфіналіст Кубка Харватыі: 1
  • 2010
• 1/8 Кубка ЭГФ: 1
  • 2012

Былыя назвы

• «Партызан»
• «НАШК»
• «Кобра Джынс»
• «Нашыцэ»

Вонкавыя спасылкі

• Афіцыйная бачына (харв.)
• Профіль (анг.) на бачыне ЭГФ
• Профіль (анг.) на бачыне the-sports.org
• Профіль (анг.) на бачыне СЭГА-лігі