Нант (гандбольны клюб)
«Нант» (па-француску: Handball Club de Nantes) — францускі гандбольны клюб з аднайменнага гораду. Выступае ў Першым дывізыёне. Свае хатнія матчы ладзіць на Аш-Арэне.
| Нант | |||
 | |||
| Поўная назва | Handball Club de Nantes | ||
|---|---|---|---|
| Кароткая назва | Nantes | ||
| Заснаваны | 1941 | ||
| Арэна | Palais des Sports de Beaulieu | ||
| Чэмпіянат | Першы дывізыён | ||
| 2023—2024 | 2 месца | ||
| Форма | |||
| Клюбныя колеры | |||
| |||
| Спасылкі | |||
| Афіцыйная бачына | |||
 Галерэя здымкаў у Вікісховішчы
| |||
Гісторыя
рэдагавацьКлюб быў заснаваны ў 1959 годзе.
Да 2008 году каманда спаборнічала ў найніжэйшых лігах чэмпіянату Францыі. У 2011 годзе «Нант» заняў паводле вынікаў сэзону пяты радок, што дазволіла клюбу выступіць у Кубку ЭГФ. У наступным сэзоне дружына дакрочыла да паўфіналу Кубка Францыі і Кубка французскай лігі. У 2016 году «Нант» упершыню здабыў бронзавыя мэдалі чэмпіянату, пасьля чаго рушыў час удалых вынікаў. «Нант» штогод, акрамя сэзону 2018—2019 гадоў, уздымаўся на п’едыстаў айчыннага першынства, некалькі разоў фінішаваўшы на другім радку, аднак чэмпіёнам ня быў. Аднак, нанцкі клюб некалькі разоў здабываў кубак краіны.
У сэзоне 2017—2018 гадоў «Нант» няблага выступіў на групавым этапе Лігі чэмпіёнаў, перамогшы на хатняй пляцоўцы «Вардар», «Барсэлёну», «Пік» ды іншыя клюбе. У сябе на арэне францускі клюб перамог усіх, згуляўшы ўнічыю толькі з «Райн-Нэкар Лёвэнам». У 1/8 фіналу клюб перагуляў БГК імя Мяшкова бы быў мацнейшы за дацкі «Ск’ерн». У фінале чатырох «Нант» перамог свайго галоўнага канкурэнта ў хатнім чэмпіёнаце ПСЖ, але ў вырашальным матчы саступіў «Манпэлье». Паводле вынікаў розыгрышу гандбаліст клюбу Рамэн Лягард быў абраны найлепшым маладым гульцом турніру.
Дасягненьні
рэдагавацьНацыянальныя
рэдагаваць- Кубак Францыі:
: 2017, 2023, 2024
