Мірны (Якутыя)

Мірны (па-расейску: Мирный, па-якуцку: Мииринэй) — места (з 1959 г) ў Расейскай Фэдэрацыі, адміністрацыйны цэнтар Мірнінскага ўлуса Рэспублікі Саха (Якутыя). Маецца аэрапорт. Знаходзіцца на паўночны захад да Якуцку: наземным шляхам 1207 км, паветраным 820 км. Разьмешчанае на рацэ Ірэлях, левага прытока ракі Очугуй-Батуобуя, якая ўпадае з права ў Вілюй. Насельніцтва: 39,3 тыс. чал (1989), 39,4 тыс. чал. (2005), 37,5 тыс. чал (2008), 36,0 тыс. чал. (2010).

Мірны
рас. Мирный
Center square in Mirny (Yakutia, Russia).jpg
Coat of Arms of Mirny (Yakutia) (2004).png
Герб Мірнага
Дата заснаваньня: 1955
Краіна: Расея
Плошча:
  • 123 км²
Насельніцтва: 35 223 чал.
Тэлефонны код: 411 36
Паштовы індэкс: 678170
Геаграфічныя каардынаты: 62°33′ пн. ш. 113°58′ у. д. / 62.55° пн. ш. 113.967° у. д. / 62.55; 113.967Каардынаты: 62°33′ пн. ш. 113°58′ у. д. / 62.55° пн. ш. 113.967° у. д. / 62.55; 113.967
Мірны на мапе Расеі
Мірны
Мірны
Мірны
Commons-logo.svg Галерэя здымкаў у Вікісховішчы
http://www.gorodmirny.ru/

Узьнік у выніку адкрыцьця ў 1955 годзе кімбэрлітавай трубкі «Мір». У 1957 году пачалася здабыча алмазаў адкрытым спосабам (кар’ер «Мір» — да 2001 г.), кар’ер меў 525 м у глыбіню і больш 1200 м у шырыню. Алмазаздабычай на тэрыторыі Мірнінскага раёна і Якуцкай АССР у цэлым займаўся трэст, пасьля вытворча-навуковае аб’яднаньне «Якуталмаз» імя У. І. Леніна, а ў 1992 году аб’яднаньне было ператворана ў акцыянэрную кампанію «Алмазы Расеі-Саха» («АЛРАСА»). Дзейнічаюць АТ «Вілюйгэсбуд», прадпрыемства Заходнія электрычныя сеткі, ААТ «АЛРАСА-Газ», прадпрыемствы мясцовай прамысловасьці, МАК-банк, арганізацыі гандлю і грамадзкага харчаваньня.

У Мірным дзейнічаюць школы ды ліцэі, рэгіянальны тэхнічны каледж і некалькі філіяў унівэрсытэтаў, у тым ліку філія Якуцкага дзяржаўнага ўнівэрсытэту — Мірнінскі політэхнічны інстытут. Функцыянуюць 3 спарткомплексы. Ёсьць некалькі музэяў.

ЛітаратураРэдагаваць

  • Мірны. // Беларуская энцыклапедыя ў 18 тамах. Т. 10. Мінск. 2000. С. 465.
  • Мирный. // Энциклопедия Якутии. Т. 1. Москва. 2000. С. 32-33.