Мінай (футбольны клюб)
«Міна́й» (па-ўкраінску: Минай) — украінскі футбольны клюб зь вёскі Мінай блізу Вужгараду ў Закарпацкае вобласьці. Свае хатнія матчы ладзіць на Мінай-Арэне, а таксама часам гуляе на стадыёнах «Аўтамабіліст» і «Авангард» ва Ужгарадзе.
| Мінай | |
 | |
| Поўная назва | Футбольний клуб «Минай» |
|---|---|
| Заснаваны | 2015 |
| Горад | Мінай, Украіна |
| Стадыён |
Мінай-Арэна Умяшчальнасьць: 1312 |
| Кіраўнік | Валеры Перасаляк[d] |
| Галоўны трэнэр | |
| Чэмпіянат | Першая ліга |
| · 2023—2024 | Прэм’ер-ліга, 15 месца (паніжэньне) |
 Галерэя здымкаў у Вікісховішчыfcminaj.com (укр.) | |
Гісторыя
рэдагавацьКлюб быў закладзены ў 2015 годзе і спачатку меў аматарскі статус. «Мінай» браў удзел у чэмпіянатах Ужгараду і Закарпацкае вобласьці. Бясспрэчныя посьпехі ў рэгіянальных турнірах заахвоцілі ўладальнікаў клюбу і гульцоў выпрабаваць сябе і каманду ў больш прадстаўнічым турніры. Такім турнірам апынуўся аматарскі чэмпіянат Украіны. У сваім дэбюце футбольны клюб «Мінай» набываў перамогі за перамогай, узвысіўшыся ў верхнюю частку табліцы. На фінішы сэзону 2017—2018 гадоў камадна спынілася за некалькі крокаў да здабыцьця трафэю, саступіўшы камандзе аматараў з Запарожжа[2].
На чацьвертым годзе свайго існаваньня ў 2018 годзе кіраўнікі клюбу вырашылі далучыцца да чэмпіянату Ўкраіны. Кіраўніцтва «Мінаю» падало заяўку на ўдзел ў Другой лізе[3]. Свой дэбютны матч у прафэсійным статусе клюб згуляў у рамках 1/32 Кубка Ўкраіны. Перамога над «Верасам» у гасьцёх дала мажлівасьць пачаткоўцам пракрочыць далей у другі тур розыгрышу кубка[4]. У выніку «Мінай» дасягнуў 1/8 фіналу, але у ім быў пераможаны кіеўскім «Дынама» зь лікам 1:3. У Другой лізе дружына адразу ж перамагла ў групе А. Не зважаючы на тое, што клюб саступіў у фінале Другой лігі, каманда ўсё ж такі атрымала права на прасоўваньне да Першай лігі.
У сэзоне 2019—2020 гадоў, маючы ў складзе Васіля Кобіна, «Мінай» сэнсацыйна здабыў перамогу ў Першай лізе, прасунуўшыся ў Прэм’ер-лігу. Сваю першую гульню ў найвышэйшым дывізіёне «Мінай» правёў 13 верасьня 2020 году супраць «Александрыі» і скончыў матч перамогай зь лікам 1:0. Надалей мінайцы змагаліся за выжываньне, і, ня даўшы рады, клюб мусіў апусьціцца назад у Першую лігу, бо каманда заняла апошні радок. На шчасьце для клюбу з турніру зьняўся данецкі «Алімпік», таму «Мінай» захаваў сваё месца ў элітным дывізіёне.
Крыніцы
рэдагаваць- ^ https://www.transfermarkt.com/fk-minaj/mitarbeiterhistorie/verein/61825
- ^ «Минай» поступився у чвертьфіналі чемпіонату України серед аматорів. Закарпатська асоціація футболу.
- ^ «Минай заявив на чемпіонат 16-х гравців». UA-Футбол.
- ^ «Дебютний матч в історії ужгородського клубу приніс йому путівку до другого раунду Кубку України». UA-Футбол.