Міжнародны крымінальны суд

Міжнародны крымінальны суд (па-француску: Cour pénale internationale), скарочана МКС — міжнародны трыбунал, які знаходзіцца ў Гаазе (Нідэрлянды). У юрысдыкцыі МКС — судовыя працэсы над асобамі, абвінавачванымі ў міжнародных злачынствах — генацыдзе, злачынствах супраць чалавечнасьці, ваенных злачынствах. МКС можа займацца гэтымі судовымі працэсамі толькі ў тым выпадку, калі нацыянальныя суды не жадаюць ці ня могуць іх зьдзяйсьняць, або калі ў Суд зьвяртаецца Рада Бясьпекі ААН ці асобныя дзяржавы-чальцы. Датай заснаваньня МКС лічыцца 1 ліпеня 2002, калі набыў моц Рымскі статут — шматбаковае пагадненьне па прынцыпах дзейнасьці суду. Дзяржавы, якія ратыфікавалі Рымскі статут, лічацца чальцамі МКС.

Міжнародны крымінальны суд
Cour pénale internationale
Афіцыйны лягатып
Удзельнікі і падпісанты Рымскага статуту      Дзяржавы-чальцы      Падпісалі, ды не ратыфікавалі      Чальцы, якія пазьней выйшлі са складу      Падпісанты, якія пазьней адклікалі подпісы      Не чальцы і не падпісвалі
Дата ўтварэньня	1 ліпеня 2002 (22 гады таму)
Месцазнаходжаньне	Гаага, Нідэрлянды
Афіцыйныя мовы	6 моваў ангельская арабская гішпанская кітайская расейская француская
Прэзыдэнт	Чылі Эбо-Асуджы
Першы віцэ-прэзыдэнт	Робэрт Фрэмр
Пракурор	Фату Бэнсуда
Сакратар	Пітэр Льюіс
Колькасьць супрацоўнікаў	123
Сайт	www.icc-cpi.int

Кіраваньне судом зьдзяйсьняецца чатырма рознымі органамі:

• прэзыдэнт — галоўны судзьдзя, абіраны іншымі судзьдзямі. Выслухоўвае справы ў Судзе;
• судовая калегія;
• пракурор — рассьледуе злачынствы ды ініцыюе разгляд справаў перад судовай калегіяй;
• сакратарыят — выконвае адміністрацыйныя функцыі.

Цягам сваёй дзейнасьці офіс пракурора завёў дзесяць афіцыйных рассьледаваньняў і праводзіць яшчэ адзінаццаць папярэдніх сьледзтваў (2018). Абвінавачаньні выстаўленыя 39 асобам, сярод якіх правадыр угандзкіх паўстанцаў Джозэф Коні, прэзыдэнт Судану Амар аль-Башыр, прэзыдэнт Кеніі Ухуру Кеніята, лібійскі лідэр Муамар Кадафі, прэзыдэнт Кот д’Івуару Ляран Гбагбо, віцэ-прэзыдэнт ДР Конга Жан-П’ер Бэмба.

Глядзіце таксама

• Міжнародны трыбунал па былой Югаславіі
• Міжнародны трыбунал па Руандзе

Вонкавыя спасылкі

Міжнародны крымінальны суд — сховішча мультымэдыйных матэрыялаў

• Афіцыйная бачына