Міжнародныя сілы садзейнічаньня бясьпецы
Міжнаро́дныя сі́лы садзе́йнічаньня бясьпе́цы (МССБ) — міжнародная місія бясьпекі ў Аўганістане пад кіраўніцтвам НАТО, створаная ў сьнежні 2001 згодна з Рэзалюцыяй 1386 Рады бясьпекі ААН[1], як гэта прадугледжвае Бонскае пагадненьне[2].
| Міжнародныя сілы садзейнічаньня бясьпецы | |
| анг. International Security Assistance Force, ISAF | |
 Official emblem of the International Security Assistance Force. | |
| Гады існаваньня | 2001 — цяпер |
|---|---|
| Краіны | НАТО, Рада эўраатлянтычнага супрацоўніцтва і інш. |
| Падпарадкаваньне | Камандаваньне аб’яднанымі войскамі хаўрусьнікаў, Брунсюм, Нідэрлянды |
| Дысьлякацыя | Кабул, Аўганістан |
| Мянушкі | Сілы кааліцыі, МССБ |
| Дэвіз | пушту: کمک او همکاری («Дапамога і супраца») |
| Войны | Вайна ў Аўганістане (з 2001) |
| Дзейны камандзір | Джон Р. Ален |
Часам іх называлі Сіламі кааліцыі. Галоўная задача МССБ — падрыхтоўка Аўганскіх сілаў нацыянальнай бясьпекі (АСНБ) і аказаньне дапамогі Аўганістану ў перабудове ключавых дзяржаўных інстытуцыяў. Акрамя таго, МССБ удзельнічае ў вайне з паўстанцкімі групоўкамі.
Першапачаткова МССБ прызначаліся для абароны Кабулу і ваколіцаў ад Талібану, Аль-Каіды і фракцыйных вайскаводаў, а таксама для прадастаўленьня магчымасьці стварэньня Аўганскае пераходнае адміністрацыі, ачоленай Хамідам Карзаем[3]. У кастрычніку 2003 Рада бясьпекі ААН ухваліла пашырэньне місіі МССБ на ўвесь Аўганістан[4]. З 2006 МССБ удзельнічалі ў інтэнсыўных баявых апэрацыях у паўднёвым і ўсходнім Аўганістане.
У склад корпусу ўваходзяць жаўнеры амэрыканскіх, брытанскіх узброеных сілаў, краінаў-сябровак НАТО і некалькіх іншых дзяржаваў.
Беларусь
рэдагавацьАд 2004 году ўрад Беларусі дазволіў пасадку амэрыканскіх самалётаў на беларускіх лётнішчах пры пералёце ў Аўганістан. Ад студзеня 2011 году Беларуская чыгунка пачала правоз амэрыканскіх грузаў у Аўганістан. У 2013 годзе чыгуначныя грузаперавозкі празь Беларусь для патрэбаў Міжнародных сілаў садзейнічаньня бясьпецы пашырылі[5].
Крыніцы
рэдагаваць- ^ United Nations Security Council Resolution 1386 S-RES-1386(2001) on 31 May 2001 (анг.) Праверана 21 верасьня 2007 г.
- ^ United Nations Security Council Document 1154 Annex I – International Security Force page 9 in 2001 (анг.)
- ^ Official Documents System of the United Nations
- ^ UNSC Resolution 1510, October 13, 2003 (PDF) Праверана 2010-07-05 г.
- ^ Надзея Юшкевіч. Супрацоўніцтва ідзе, але пытаньні застаюцца // Зьвязда : газэта. — 6 чэрвеня 2014. — № 104 (27714). — С. 2. — ISSN 1990-763x.