Мутала (рака)
Мутала, або Мутала стрэм (па-швэдзку: Motala ström) — рака ў Швэцыі. Бярэ пачатак у возеры Вэтэрн, у горадзе Мутала і цячэ на ўсход праз азёры Бурэн і Юнгсшэн да возера Руксэн (часам паралельна зь Ёта-каналам). Ля Нурсгольму паварочвае на поўнач і праз Шэрбляку цячэ да возера Глян. Затым цячэ на ўсход праз Нарчэпінг і ўпадае ў заліў Бравікен. Даўжыня ракі 100 км (ад Вэтэрну да Бравікену; але калі ўлічваць раку Гускварнаон ад вытоку і ўвесь Вэтэрн, зь якога потым бярэ пачатак Мутала, то будзе 285 км). Плошча басэйну 15 481 км². Мутала стрэм заўсёды мела важнае значэньне для гораду Нарчэпінг. На рацэ знаходзіцца прынамсі 25 ГЭС, наймацнейшая зь якіх — Гольмэн (29 МВ, 18 м). У Мутале распаўсюджаны адзін зь відаў карпападобных рыбаў, занесеных у Чырвоную кнігу — жэрах.
| Мутала (Мутала стрэм) | |
Motala ström | |
 Мутала стрэм у цэнтры Нарчэпінгу | |
| Агульныя зьвесткі | |
|---|---|
| Выток | возера Вэтэрн |
| Вусьце | Балтыйскае мора |
| Вобласьці | Мутала і Нарчэпінг |
| Даўжыня | 100 км |
| Сярэднегадавы сьцёк | 100 м³/с |
| Плошча басэйну | 15 481 км² |
Вонкавыя спасылкі
рэдагаваць
Мутала (рака) — сховішча мультымэдыйных матэрыялаў