Музэй ахвяраў генацыду (Летува)

Музэй ахвяраў генацыду
	Музэй ахвяраў генацыду
	Genocido aukų muziejus
	The former KGB building that hosts the Museum of the Victims of Genocide
Месцазнаходжаньне	Вільня, Летува
Створаны	1992
Геаграфічныя каардынаты	54°41′17″ пн. ш. 25°16′16″ у. д. / 54.68806° пн. ш. 25.27111° у. д.Каардынаты: 54°41′17″ пн. ш. 25°16′16″ у. д. / 54.68806° пн. ш. 25.27111° у. д.
	Музэй ахвяраў генацыду на мапе Летувы Музэй ахвяраў генацыду
	genocid.lt/muziej… (лет.)

Музэй ахвяраў генацыду (па-летувіску: Genocido aukų muziejus) — музэй у Вільні (Летува), заснаваны ў 1992 року. У 1997 перанесены ў Цэнтар дасьледаваньняў генацыду і супраціву Летувы. Знаходзіцца ў колішняй штаб-кватэры КДБ ля Лукішскаўскага пляцу, таму часта называецца проста Музэй КДБ.^[1]

У музэі захоўваюцца дакумэнты, прысьвечаныя 50-гадовай акупацыі Летувы Саветамі, руху супраціву і ахвярам арэстаў, дэпартацыяў і сьмяротных пакараньняў, учыненых у гэты пэрыяд.

Мінуўшчына

Будынак, дзе цяпер разьмяшчаецца музэй, быў пабудаваны ў 1890 року, у часы Расейскай імпэрыі, дзеля суду Віленскай губэрні. Пасьля абвяшчэньня незалежнасьці дзяржавы ў ім знаходзіўся штаб галоўнакамандуючага стваранага летувіскага войска, і тут жа праводзіўся набор на службу. Пасьля далучэньня Віленскага краю да Польшчы ў будынку дзейнічаў суд Віленскага ваяводзтва.

Пасьля ўваходу Летувы ў склад СССР У 1940 у скляпеньнях будынку была створаная турма. У 1941, з прыходам нацыстаў, тут разьмясьціўся штаб Гестапа. Захаваліся сьценныя надпісы таго часу. З 1944 року і да здабыцьця незалежнасьці будынак займаў КДБ. У ягоных памяшканьнях ладзіліся допыты, катаваньні, і ў пэрыяд між 1944 і пачаткам 1960-х рокаў у ягоных мурох было забіта больш за 1000 вязьняў^[2]. Целы ў асноўным хавалі ў парку Тускулену, дзе пасьля рэканструкцыі плянуецца адкрыцьцё другога музэю ахвяраў генацыду^[3].

Зборы

Негвалтоўны характар руху супраціву прадстаўлены разнастайнымі кнігамі, падпольнымі выданьнямі, дакумэнтамі і фатаздымкамі. Выстава, прысьвечаная ахвярам дэпартацыяў, арыштаў і забойстваў, прадстаўляе фатаздымкі, дакумэнты і асабістыя рэчы.

Крыніцы

^ "KGB Museum"
^ The former execution camera. The Museum of Genocide Victims. Праверана 2009-01-22 г.
^ Kiauros kišenės kliudo Genocido aukų muziejui (лет.) // Lietuvos rytas. — ISSN 1392-2351.

Вонкавыя спасылкі

Музэй ахвяраў генацыду (Летува) — сховішча мультымэдыйных матэрыялаў

Афіцыйная бачына

[1] "KGB Museum"

[2] The former execution camera. The Museum of Genocide Victims. Праверана 2009-01-22 г.

[3] Kiauros kišenės kliudo Genocido aukų muziejui (лет.) // Lietuvos rytas. — ISSN 1392-2351.

[1]

[2]

[3]