Марыбор (футбольны клюб)

славенскі футбольны клюб

«Марыбор» (па-славенску: Maribor) — славенскі футбольны клюб з гораду Марыбору. Заснаваны ў 1960 годзе. Клюб ёсьць самым тытулаваным у Славеніі — 16-разовы чэмпіён Славеніі, 9-разовы ўладальнік Кубка Славеніі і 4-разовы ўладальнік Супэркубка Славеніі. Самым пасьпяховым пэрыядам для клюбу былі канец 1990-х гадоў і пачатак 2000-х, «Марыбор» значна пераўзыходзіў сваіх канкурэнтаў у айчынных першынствах. Пасьля сэзону 2008—2009 гадоў клюб вярнуў званьне чэмпіёну краіны. З 2011 году клюб дамогся, таксама, поспехаў і на эўрапейскім узроўні, некалькі разоў дасягаўшы групавыя раўнды Лігі чэмпіёнаў і Лігі Эўропы.

Марыбор
NK Maribor.svg
Заснаваны 1960
Горад Марыбор, Славенія
Стадыён Людзкі вэрт
Умяшчальнасьць: 12 702
Чэмпіянат Першая ліга
 · 2021—2022 1 месца
nkmaribor.com(слав.)

Галоўным супернікам клюбу ёсьць сталічная «Алімпія», матчы супраць якой носяць назву «Адвечнае дэрбі» (славен. Večni derbi). «Марыбор» мае даволі высокую фанацкую падтрымку, а таксама самую высокую сярэднюю наведвальнасьць у краіне. Хатні стадыён клюбу «Людзкі вэрт» здольны зьмясьціць 12 702 гледача. Першапачаткова ён быў пабудаваны ў 1952 годзе, але ў 1990-я і 2000-я гады быў праведзены шэраг асноўных рэканструкцыяў стадыёну, пасьля чаго ён атрымаў сучасны выгляд.

ГісторыяРэдагаваць

 
«Марыбор» гуляе ў 1961 годзе супраць «Ульяніку» ў плэй-оф да выхаду ў Другую лігу Югаславіі.

Футбольны клюб «Марыбор» быў заснаваны 12 сьнежня 1960 году[1] праз два месяцы пасьля расфармаваньня іншага марыборскага клюба «Бранік». На нарадзе кіраўніцтва зноў утворанага клюбу, прэзыдэнтам быў абраны Срэчка Корэн. Першы свой матч «Марыбор» правёў 5 лютага 1961 году супраць марыборскага клюбу «Ковінар» і атрымаў перамогу зь лікам 2:1. Два мячы ў гэтае гульні забіў Стэфан Толіч.

Не зважаючы на тое, што фіялетавы і белы абіраліся клюбнымі колерамі ад самага пачатку, каманда згуляла свой першы матч у зялёна-сіняй камбінацыі, бо іхная фіялетавыя майкі былі яшчэ не гатовыя да пачатку сустрэчы[2]. Клюб адразу ж атрымаў перамогу ў Славенскай рэспубліканскай лізе, якая прадстаўляла трэці ўзровень югаслаўскага футболу. Такім чынам «Марыбор» атрымаў права спаборнічаць у кваліфікацыі на выхад у Другой лігу Югаславіі[2].

Андрыя Пфландэр, які ўзначальваў каманду на той час, праз хваробу пакінуў яе перад стартам плэй-оф. У выніку «Марыбор» не атрымаў месца ў другой лізе[2]. На зьмену Пфландеру прыйшоў Уладзімер Сімуніч, які ў выніку празь шэсьць гадоў вывеў клюб у другую лігу[2]. «Марыбор» атрымаў перамогу ў першым двух раундах плэй-оф, а потым адолеў харвацкі «Ўльянік» па суме двух матчаў зь лікам 2:1[2].

СкладРэдагаваць

Актуальны на 17 верасьня 2022 году
Пазыцыя Імя Год нараджэньня
1   Бр Ажбэ Юг 1992
6   ПА Алекс Піхлер 1994
7   ПА Рок Кронавэтэр 1986
8   ПА Марка Божыч (ар. Фразынонэ) 1998
11   Нап Даніел Штурм 1999
12   Аб Грэгар Сікашак 1994
13   Нап Рок Сірк 1993
14   ПА Уладан Відакавіч 1999
15   ПА Ян Рэпас 1997
16   ПА Аляж Анталін 2002
17   Нап Іван Брніч 2001
18   Нап Рока Батурына (ар. Фэрэнцвараш) 2000
20   Аб Макс Ўотсан 1996
21   ПА Лука Бажычкавіч 2003
Пазыцыя Імя Год нараджэньня
22   Аб Мартын Мілец (капітан) 1991
23   Аб Лука Ускакавіч 1996
25   Аб Свэн Карыч 1998
29   Аб Андраж Жыніч 1999
30   ПА Марын Лаўшыч 2001
31   Нап Ісгак Каёдэ Рафію 2000
32   Аб Неманья Мітравіч 1992
40   Аб Ігнасьё Герыка 1998
42   Аб Від Кодэрман 2003
44   ПА Марка Толіч (ар. Дынама З.) 1996
52   Бр Марка Залакар 1990
59   Бр Сама Прыдгар 2003
77   Нап Жан Віпатнік 2002
81   Бр Мэна Бэргсэн 1999

КрыніцыРэдагаваць

Вонкавыя спасылкіРэдагаваць