Малдоўскі купон

Малдоўскі купон (па-малдаўску: cupon) — часовая грашовая адзінка ў Малдове з 1992 па 1993 год.

Першыя купоны былі выпушчаны ў абарот Нацыянальным банкам Малдовы 10 чэрвеня 1992 году. Яны выкарыстоўваліся ў наяўна-грашовым звароце паралельна з рублём у суадносінах 1:1. З моманту ўводзін у зварот расейскага рубля 9 жніўня 1993 году Нацыянальны банк Малдовы пачаў самастойна катыраваць купон у адносінах да іншых валют. 29 лістапада 1993 году пачаўся абмен купонаў на лей па курсе 1000:1, які працягваўся да 2 сьнежня.

Купоны выпускаліся наміналам 50, 200, 1000 і 5000. Манэты не выпускаліся.

На авэрсе намаляваны герб Малдовы, эмблема і назва цэнтральнага банку, намінал, год выпуску і папярэджаньне пра падробку, на рэвэрсе — від на Сароцкую крэпасць, намінал і эмблема НБМ. Вадзяны знак у выглядзе геамэтрычнага арнамэнту з ромбаў і ламаных лініяў.

Сэрыйныя нумары выгляду А.1234 123456.

Выява		Намінал (купонаў)	Памеры (мм)	Асноўныя колеры	Даты
Авэрс	Рэвэрс				друку	выпуску	выняцьця
		50	120×58	шэры ружовы	1992	22 ліпеня 1992	2 сьнежня 1993
		200		фіялетавы шэры		10 ліпеня 1992
		1000	143×58	шэры карычневы жоўты	1993	16 сакавіка 1993
		5000		аранжавы карычневы сьветла-зялёны		8 верасьня 1993
Маштаб выяваў — 1,0 піксэлю на мілімэтар.

Літаратура

• Наш лей. — 26.11.2003.
• Moneda națională: o istorie de succes?  (рум.). — 1998.