Ліз Мітчэл

Ліз Мітчэл
	Ліз Мітчэл
	Элізабэт Рэбэка Мітчэл
	Ліз Мітчэл у 2009 годзе
Дата нараджэньня	12 ліпеня 1952 (72 гады)
Месца нараджэньня	Клэрэндан, Ямайка
Прафэсія	сьпявачка
Гады дзейнасьці	1970 — цяпер
Сябра ў	Boney M.
Жанры	поп, дыска, соўл
Інструмэнты	голас[d]
Гурты	Boney M.
Лэйблы	Hansa Records, Sony-BMG, Mega, Dureco, Dove House
Сайт	lizmitchell.com (анг.)
	Ліз Мітчэл у Вікісховішчы

Элі́забэт Рэбэ́ка Мі́тчэл (па-ангельску: Elizabeth Rebecca Mitchell), больш вядомая як Ліз Мітчэл (па-ангельску: Liz Mitchell, нарадзілася 12 ліпеня 1952 году, Клэрэндан, Ямайка) — сьпявачка, найбольш вядомая як салістка нямецкага дыска-гурту Boney M..

Біяграфія

Ва ўзросьце 11 гадоў Ліз з бацькамі пераехала ў Лёндан. У 1969 годзе атрымала ролю ў мюзыкле «Валасы», а ўжо ў наступным замяніла ў бэрлінскай вэрсіі мюзыклу Дону Самэр. Там яна знаёміцца з Мэлкалмам Мэгаронам, разам зь якім стала супрацоўнічаць цягам некалькіх гадоў у такіх праектах, як Les Humphries Singers, Malcolm and Liz і Malcolm's Locks. Калі іхнія шляхі разыйшліся, Ліз вярнулася на Ямайку.

Аднойчы, у 1976 годзе, Ліз патэлефанавала сяброўка — Марсія Барэт, якая ўжо была ўдзельніцай гурту Boney M., і паведаміла, што прадусар гурту — Франк Фарыян шукае яшчэ адну сьпявачку. Пасьля некалькіх праслухоўваньняў, Фарыян вырашыў, што сьпяваць у гурце будуць цяпер толькі Мітчэл і Барэт, чым забясьпечыў посьпех Boney M.

Але паступова Фарыян пачаў займацца іншымі праектамі, і ў 1986 годзе распусьціў Boney M. З 1988 году Ліз Мітчэл пачала сольную кар’еру, але ў наступныя гады, калі інтарэс да Boney M. зноў павялічыўся, Фарыян дазволіў Мітчэл мець правы выступаць пад назвай Boney M. featuring Liz Mitchell.

Дыскаграфія

Сольныя альбомы

No One Will Force You, 1988
Share The World, 1999
A Christmas Rose, 2000
Let It Be, 2004
… Sings The Hits Of Boney M, 2005
My Life Is In Your Hands, 2006

Вонкавыя спасылкі

Ліз Мітчэл — сховішча мультымэдыйных матэрыялаў

Афіцыйны сайт