Лютэранская кірха Сьвятога Мікалая (Менск)

Кірха
Лютэранская кірха Сьвятога Мікалая ў Менску
Лютэранская кірха Сьвятога Мікалая ў Менску на пляне былой Малалютэранскай вуліцы, 1898 рок
Краіна	Беларусь
Горад	Менск
Адрас	вуліца Карла Лібкнэхта
Каардынаты	53°53.40′47″ пн. ш. 27°31.11′50″ у. д. / 53.90306° пн. ш. 27.53239° у. д. / 53.90306; 27.53239Каардынаты: 53°53.40′47″ пн. ш. 27°31.11′50″ у. д. / 53.90306° пн. ш. 27.53239° у. д. / 53.90306; 27.53239
Канфэсія	лютэранства
Эпархія	Магілёўская супэрінтэндацыя
Тып будынка	кірха
Дата заснаваньня	1845
Будаваньне	1840—1845 гады
Дата скасаваньня	1970
Стан	зьнішчана
Лютэранская кірха Сьвятога Мікалая ў Менску на мапе Беларусі Лютэранская кірха Сьвятога Мікалая ў Менску

Лютэра́нская кі́рха Сьвято́га Мікала́я — колішні лютэранскі храм у Менску. Адзін з двух лютэранскіх храмаў Менску. Быў разьмешчаны на вуліцы «Малой Лютэранскай», да 1956 року ў будынку разьмяшчаўся тэатар юнага гледача.

Гісторыя

З 1798 року ў Менску служыў пастар Самуіл Карштэт, пры якім пачалося збудаваньне лютэранскай царквы^[1]. З прычыны недахопу сродкаў, будаўніцтва моцна зацягнулася^[1]. Асьвячэньне царквы Сьвятых Паўла і Аляксандра адбылося толькі 1 студзеня 1811 року^[1]. У 1833—1860 роках дзейнічала хрысьціянская лютэранская школа^[1]. У 1835 року ўсе будынкі лютэранаў у Менску моцна папакутавалі ад страшнага пажару^[1]. Аднавіць іх з-за недахопу грошай не атрымлівалася^[1].

Толькі ў 1840 року па хадайніцтве віленскага губэрнатара імпэратар Мікалай I вылучыў 20 тысяч рублёў на ўзьвядзеньне новага лютэранскага храму і пастарскага дому ў Менску^[1]. Празь пяць гадоў царква сьвятога Мікалая сьвяткавала асьвячэньне, а пастар атрымаў статус «губэрнатарскага прапаведніка» і нават стаў атрымліваць зарплату з імпэратарскай казны^[1]. Храм быў пабудаваны на тагачаснай «Малой Лютэранскай» вуліцы (цяпер скрыжаваньне вуліцаў Лібкнехта і Каржа) і атрымаў назву Сьвятога Мікалая, вакол знаходзіліся лютэранскія могілкі, зьнішчаныя ў 1970-ыя рокі^[1].

Тэатар юнага гледача

У савецкі час, прыкладна ў 1933 року, будынак менскай лютэранскай царквы «перапрафілявалі» — у ім зьмясьцілі тэатар юнага гледача^[1]. У гэтай царкве хрысьцілі беларускага пісьменьніка Артура Вольскага, які доўгі час і быў дырэктарам тэатру^[1].

Крыніцы

^ ^а ^б ^в ^г ^д ^е ^ё ^ж ^з ^і ^к Лютеранская община Минска

Літаратура

Zahar Vasil'evič Šybeka, Minsk: staronki žyccja darevaljucyjnaga gorada, Mińsk 1994, ISBN 534500613X, s. 302

[luteran-1] а ^б ^в ^г ^д ^е ^ё ^ж ^з ^і ^к Лютеранская община Минска

[1]