Льюэлін Джуіт
Льюэлін Фрэдэрык Ўільям Джуіт (па-ангельску: Llewellyn Jewitt; 24 лістапада 1816 — 5 чэрвеня 1886) — выбітны ілюстратар, гравёр, прыродазнавец і аўтар грунтоўнай працы «Гісторыя керамікі Вялікабрытаніі» (анг. The Ceramic Art of Great Britain; 1878).
Льюэлін Джуіт | |
| Llewellyn Jewitt | |
 | |
| Імя пры нараджэньні | Льюэлін Фрэдэрык Ўільям Джуіт |
|---|---|
| Дата нараджэньня | 24 лістапада 1816 |
| Месца нараджэньня | Кімбэрўорт |
| Дата сьмерці | 5 чэрвеня 1886 |
| Месца сьмерці | Дафілд |
| Грамадзянства |  Ангельшчына
|
| Занятак | антраполяг, археоляг, пісьменьнік, мастак-гравэр |
| Бацька | Артур Джуіт |
| Маці | Марта Джуіт |
Біяграфія
рэдагавацьЛьюэлін Джуіт нарадзіўся ў Кімбэрўорце, Ротэргэм, апошнім сямнаццатым дзіцем тапографа і школьнага настаўніка Артура Джуіта і ягонай жонкі Марты. Адукацыя Льюэліна, збольшага ад свайго бацькі, які быў уладальнікам Кімбэрўорцкай дабрачыннай школы, пачалася ў Дафілдзе, графства Дэрбішыр.
На калядны дзень у 1838 годзе ажаніўся з Элізабэт Сэйдж, дачкой Ісака Сэйджа з Дэрбі, але быў вымушаны тэрмінова вяртацца ў Лёндан, каб не запавольваць сваю працу.
З 1839 па 1845 быў наняты гравёрам Фрэдэрыкам Ўільямам Фэйрголтам для ілюстрацыі казак Чарлза Найта. У 1845 годзе працаваў у Бэкінггэмскім палацы, замалёўваючы ягоныя пакоі для рыхтаванай кнігі «London Interiors».
Паміж 1849 і 1853 быў галоўным бібліятэкарам Плімуцкай грамадзкай бібліятэкі, пасьля працы ў якой вярнуўся ў Дэрбішыр да рэдакцыі часопісу «Derby Telegraph». У 1857 годзе Льюэлін Джуіт стаў сакратаром Гарадзкога і графскага музэю і прыродазнаўчага таварыства Дэрбі, ваколіцы якога былі адкрытыя для шырокай грамадзкасьці па суботніх раніцах. У 1858 годзе Філязофскае таварыства Дэрбі зьлілася з музэйным таварыствам і яны перанесьлі сваю штаб-кватэру ў Ўардўік[1]. Юўіт заснаваў часопіс па антыкварыі «The Reliquary», рэдактарам якога ён быў да сваёй сьмерці ў 1886 году. Памёр у Дафілдзе.
Джуіт належаў да Брытанскай археалягічнай асацыяцыі і ў 1878 годзе дапамагаў заснаваньню Археалягічнага таварыства Дэрбішыру[2]. Быў сябрам Таварыства антыкварыяў, пісаў артыкулы на тэмы ангельскай антычнасьці і тапаграфіі і адрэдагаваў турыстычную кнігу «Black’s Guide to Derbyshire» (1872)[3].
Кнігі
рэдагаваць- The Stately Homes of England Jewitt, L. and Hall, S. C. (Philadelphia 1878) 2 vols.
- The Ceramic Art of Great Britain (1878) by Llewellyn Jewitt.
- other book by Llewellyn Jewitt
Крыніцы
рэдагаваць- ^ Newsletter of the Geological Curators Club, Vol 1, No. 8, 1976. Retrieved 26 February 2011.
- ^ Llewellyn Jewitt - Derbyshire Genius (Tom Bates Derbyshire Peak District Author, Writer, Poet)
- ^ Derbyshire Artists - Artists with Derbyshire connections