Ламаная рыфма

Лама́ная ры́фма — канцавая рыфма, што зьвязвае ня цэлыя словы, а толькі часткі словаў, разьдзеленых, «разламаных» міжрадковымі паўзамі. Такую рыфму ўжыў, у прыватнасьці, У. Дубоўка ў паэме 20-х гадоў ХХ ст. «Там, дзе вазёры»:

Яны вучылі ненавідзець пана,

яшчэ — кахаць хаўрус сям’і працоў-

ных і працы. І ў абшарпана-

га пастушка будзілі кроў.

Тут у другім і трэцім радках міжрадковыя паўзы дзеляць словы на дзьве часткі. Гэты падзел, зразумела, штучны, досыць фармальны, не абумоўлены патрэбамі зьместу.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4