Курашэва

Курашэва (па-польску: Kuraszewo, па-падляску: Kúrašovo) — вёска ўва ўсходняй Польшчы ў Чыжоўскай гміне Гайнаўскага павету. У 1975—1998 вёска належала да Беластоцкага ваяводзтва. Жыхары вёскі — этнічныя беларусы. У Курашэве дзейнічае фальклёрны калектыў беларускай песьні Незабудкі.

Курашэва
польск. Kuraszewo
Першыя згадкі:	1576
Мясцовая назва:	Kúrašovo
Краіна:	Польшча
Ваяводзтва:	Падляскае
Павет:	Гайнаўскі
Гміна:	Чыжы
Насельніцтва:	470 чал.
Часавы пас:	UTC+1
летні час:	UTC+2
Паштовы індэкс:	17-207
Нумарны знак:	BHA
Геаграфічныя каардынаты:	52°48′36.9″ пн. ш. 23°28′22.7″ у. д.
Курашэва на мапе Польшчы Курашэва
Галерэя здымкаў у Вікісховішчы

Гісторыя

Вёска заснаваная да 1570 году, заселеная каралеўскімі мужыкамі бельскага лясьніцтва. Пасьля адмены паншчыны жыхар вёскі Сыльвэстар Васілюк фундаваў царкву ў гонар Антонія Пячорскага. Пасьля вяртаньня жыхароў вёскі зь бежанства ў 20-е гады 20 ст., царква была адабраная ў праваслаўных і перададзеная каталікам бізантыйска-славянскага абраду. Праваслаўныя парафіяне не пагадзіліся перайсьці ва унію і тутэйшым сьвятарам стаў а. Серафім Шахмуць (сьв. Серафім Жыровіцкі).

Археалягічная спадчына

Ва ўрочышчы Замчышча знаходзяцца курганы з 4-5 стст. Першапачаткова былі ў каменнай абкладзіне, былі дасьледаваныя польскімі археолягамі ў 60-х гадах 20 ст. Побач зь вёскай — вялікія могільнікі мазавецкага паходжаньня з 10-12 стст.

Вонкавыя спасылкі

Курашэва — сховішча мультымэдыйных матэрыялаў

• Ян Петручук, Лексыка вёскі Курашэва каля Гайнаўкі, Люблін 1977 (пол.)