Кунілінгус
Кунілінгус (ад лац. cunnus — вульва і лац. lingua — «язык») — форма аральнага сэксу, стымуляцыя жаночых геніталіяў з дапамогай роту, вуснаў і языку.
Тэхніка
рэдагаваць
Як тэхніка правядзеньня кунілінгусу, так і індывідуальныя асаблівасьці партнэра вар’ююцца ў вельмі шырокіх межах. Секель — найбольш сэксуальна адчувальная частка цела амаль усіх жанчынаў, і асабліва ўзбуджальны на пачатковых стадыях полавага ўзбуджэньня. Некаторыя кнігі рэкамэндуюць пачынаць зь пяшчотнае, слаба акцэнтаванае стымуляцыі лабіі і ўсёй генітальнай зоны. Для гэтага можа ўжывацца кончык, пярэдняя ці ніжняя частка языку, а таксама нос, падгардзёлак, губы і зубы. Рухы могуць быць павольныя ці хуткія, пастаянныя ці хаатычныя, жорсткія ці мяккія, па жаданьні партнэра. Язык у вагіне можа як рухацца, так і быць нерухомы.
Кунілінгус таксама можа суправаджацца ўвядзеньнем пальца(ў) або сэксуальных цацак, якія могуць адначасна стымуляваць g-кропку і/або анус[1][2].
Рызыка заражэньня
рэдагавацьПадчас аральнага сэксу існуе рызыка заражэньня хламідыёзам, папілёмавірусам, ганарэяй, герпесам, гепатытам і іншымі захворваньнямі, якія перадаюцца полавым шляхам, у тым ліку ВІЧ[3]. Тым ня меней, рызыка заражэньня вірусам імунадэфіцыту значна меншая, чым пры вагінальным або анальным сэксе[4].
Наяўнасьць у партнэраў ранаў або крывацёкаў у вобласьці полавых органаў, у роце, на дзіснах павялічвае рызыку перадачы захворваньня. Чыстка зубоў шчоткай або ніткай, іншых працэдураў у ротавай поласьці, спажываньне храбусткай ежы (напрыклад, чыпсаў) непасрэдна перад або пасьля кунілінгусу таксама павялічвае рызыку заражэньня, бо ўсе гэтыя апэрацыі могуць спрычыніцца да зьяўленьня драпінаў у роце.
Прыведзеныя перасьцярогі тычацца толькі полавых актаў з выкарыстаньнем кунілінгусу між партнэрамі, чыё здароўе выклікае сумнеў.
Глядзіце таксама
рэдагавацьКрыніцы
рэдагаваць- ^ Rathus, Spencer A., et al. Human Sexuality in a World of Diversity. — Boston: Pearson Allyn and Bacon: Pearson Education, 2005. — С. 124, 226. — ISBN 0205406157
- ^ Masters, W. H., Johnson, V. E. Human Sexual Response. — Toronto; New York: Bantam Books, 1966. — ISBN 0-553-20429-7
- ^ University Health Center | Sexual Health | Oral Sex
- ^ http://www.cdc.gov/hiv/resources/Factsheets/pdf/oralsex.pdf
Літаратура
рэдагаваць- Gershon Legman : The Guilt of the Templars. Basic Books Inc., New York, 1966.
- Gershon Legman : Rationale of the Dirty Joke: an Analysis of Sexual Humor. 1968.
Вонкавыя спасылкі
рэдагаваць- Discovery Health пра кунілінгус
- Oral Sex: Pleasing Her by Sinclair Institute (анг.)
- Сямён Цыбульскі (25 ліпеня 2010) Малы беларуска-беларускі слоўнік сэксуальных паняццяў Каханне і сэкс. «Наша Ніва». Праверана 15 лістапада 2010 г.
- Плоцевы чын і яго апісаньне