Кочанскія вежы
| Вежы | |
Кочанскія вежы
| |
| |
| Краіна | Паўночная Македонія |
| Месцазнаходжаньне | Кочані |
| Каардынаты | 41°55′17″ пн. ш. 22°24′32″ у. д. / 41.92139° пн. ш. 22.40889° у. д.Каардынаты: 41°55′17″ пн. ш. 22°24′32″ у. д. / 41.92139° пн. ш. 22.40889° у. д. |
| Дата заснаваньня | др. пал. XVII ст. |
| Статус | heritage site in North Macedonia[d] |
Кочанскія вежы на мапе Паўночнай Македоніі   Кочанскія вежы | |
 Кочанскія вежы на Вікісховішчы
| |
Качанскія вежы — комплекс архітэктурных помнікаў, разьмешчаных у горадзе Кочані ў Паўночнай Македоніі. Нягледзячы на тое, што вежы былі пабудаваныя ў другой палове XVII стагодзьдзя, у прастамоўі яны атрымалі назву «сярэднявечныя вежы».
Гісторыя
рэдагаваць
Вежы былі пабудаваны ў той пэрыяд, калі горад знаходзіўся пад уладай Асманскай імпэрыі. Вялікі ўплыў на іх выгляд і стыль мела архітэктура Блізкага Ўсходу.
Згодна з сёньняшнімі знаходкамі, у горадзе Кочані і яго ваколіцах былі пабудаваны тры вежы, дзьве з якіх разьмешчаны ў горадзе — на абодвух берагах ракі Кочанска, а трэцяя знаходзіцца ў вёсцы Долні Падлог. Вежы выконвалі адразу дзьве функцыі-жылую і абарончую[1]. Наверсе адной з вежаў, надбудаванай у XIX стагодзьдзі, знаходзіліся гадзіньнік.
У 1957 годзе дзьве гарадзкія вежы атрымалі статус помнікаў культуры. На сёньняшні дзень яны застаюцца адзінымі будынкамі XVII стагодзьдзя ў горадзе Кочані.
Апісаньне
рэдагаваць
Вежа на правым беразе ракі Кочанска ў цэнтры гораду, разьмешчана ў шчыльнай забудове жылых дамоў і мае вышыню 15,35 мэтраў. Адрас будынку — вуліца Іліндэнская, 1. У 1978 годзе была праведзена рэстаўрацыя вежы і працы па ўмацаваньні збудаваньня.
Бягучыя функцыі вежы:
- у падвале размешчаны прыбіральні;
- на цокальным паверсе знаходзіцца калекцыя старадаўніх манэт;
- на першым паверсе знаходзіцца археалягічная калекцыя;
- на другім паверсе разьмешчана бібліятэка.
Вежа мае квадратную падставу памерам 6,65 × 6,65 м пабудавана з каменя з ужываньнем вапны. Паверхі злучаныя драўлянымі сходамі. Уваход знаходзіцца з паўднёвага боку. Дзьверы зроблены з тоўстых дубовых дошак, абабітыя з сярэдзіны жалезнымі рэйкамі і ўмацавана двума папярочнымі бэлькамі, якія ўваходзяць у пазы ў бакавых сьценах. Сьцены масіўныя, куты выкладзеныя жаўтлявымі блёкамі пясчаніку.
Аконныя праёмы на верхнім паверсе выкананы з апрацаваных каменных блёкаў і маюць архітраўныя падваконьнікі і паўкруглыя аркі з апрацаванага каменя. Вокны абаронены жалезнымі кратамі. У ніжніх памяшканьнях замест вокнаў маюцца байніцы, вузкія звонку і канічныя пашыраюцца ўнутр. На ўсходнім баку вежы ёсьць драўляны балькон. На двух верхніх паверхах ёсьць каменныя ачагі, якія стаяць адзін насупраць аднаго[1].
У падлозе ёсьць адтуліну, праз якое падчас абароны горада на нападаючых вылівалі гарачы алей або кідалі камяні.
Вежа на левым беразе ракі мае назву Саат кула. Яна дагэтуль не адноўленая і знаходзіцца ў кепскім стане.