Касьцёл Сьвятога Юрыя і кляштар францішканаў (Невель)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Сьвятога Юрыя і кляштар францішканаў (неадназначнасьць).

Помнік сакральнай архітэктуры
Касьцёл Сьвятога Юрыя і кляштар францішканаў
Касьцёл Сьвятога Юрыя і кляштар францішканаў
Краіна	Расея
Места	Невель
Канфэсія	каталіцтва
Архітэктурны стыль	барока
Першае згадваньне	1625
Дата заснаваньня	XVII ст.

Касьцёл Сьвятога Юрыя і кляштар францішканаў — помнік архітэктуры XVIII ст. у Невелі. Знаходзіўся ў цэнтры места, на Рынку^[a]. Твор архітэктуры віленскага барока.

Комплекс складаўся з касьцёла і кляштарнага корпусу. У 1960-я гады савецкія ўлады зьнішчылі касьцёл. Захавалася касьцельная плябанія.

Гісторыя

Вялікае Княства Літоўскае

У 1625 годзе кароль і вялікі князь Жыгімонт Ваза фундаваў у Невелі першы парафіяльны касьцёл, зьнішчаны ў вайну Маскоўскай дзяржавы з Рэччу Паспалітай 1654—1667 гадоў. Пазьней Януш Радзівіл збудаваў новы драўляны касьцёл.

У 1745 годзе пры кляштары францішканаў збудавалі мураваны касьцёл.

Пад уладай Расейскай імпэрыі

Па першым падзеле Рэчы Паспалітай (1772 год), калі Невель апынуўся ў складзе Расейскай імпэрыі, касьцёл і кляштар працягвалі дзейнічаць. Аднак па здушэньні вызвольнага (1830—1831) або нацыянальна-вызвольнага (1863—1864) паўстаньняў расейскія ўлады гвалтоўна ліквідавалі кляштар.

Найноўшы час

У 1930-я гады савецкія ўлады зачынілі касьцёл, у 1960-я гады — зьнішчылі помнік.

Архітэктура

Касьцёл — помнік архітэктуры віленскага барока. Гэта была 2-вежавая базыліка.

У касьцёле быў арган на хорах, тры званы і часьцінка Дрэва Сьвятога Крыжа^[1].

Галерэя

Гістарычныя здымкі
1870 г.
1910 г.
да 1918 г.
да 1918 г.

1913 г.
да 1941 г.
1942 г.
1941—1943 гг.

1941—1943 гг.
1941—1943 гг.
1941—1943 гг.
1941—1943 гг.

1941—1943 гг.
1941—1943 гг.
1943 г.
па 1943 г.

Заўвагі

^ На месцы касьцёла цяпер пустка за 4-павярховым жылым домам

Крыніцы

^ Касьцёл Сьвятога Юрыя ў Невелі, Графічная рэканструкцыя страчанай спадчыны архітэктара Аляксандра Невара

Літаратура

Żyskar F. J. Nasze kościoły: opis ilustrowany wszystkich kościołów i parafji znajdujących się na obszarach dawnej Polski i ziemiach przyległych. T. 1: Archidjecezja mohylowska. Z. 23: Dekanat Witebski. — Warszawa — Petersburg, 1913. S. 374.

Вонкавыя спасылкі

Касьцёл Сьвятога Юрыя і кляштар францішканаў у Невелі, Radzima.org

[1] На месцы касьцёла цяпер пустка за 4-павярховым жылым домам

[2] Касьцёл Сьвятога Юрыя ў Невелі, Графічная рэканструкцыя страчанай спадчыны архітэктара Аляксандра Невара

[a]

[1]