Карльскуга
Карльскуга (па-швэдзку: Karlskoga) — горад у цэнтральнай частцы Швэцыі, у лэне Эрэбру. Цэнтар аднайменнай камуны. Гістарычна належыць да ляндскапу Вэрмлянду. Горад названы ў гонар Карла IX, яго назва перакладаецца як «Карлаў лес». Насельніцтва на 31 сьнежня 2015 году — 27 490 жыхароў.
| Карльскуга | |||||
| швэдз. Karlskoga | |||||
 У цэнтры Карльскугі | |||||
| |||||
| Краіна: | Швэцыя | ||||
| Лэн: | Эрэбру | ||||
| Камуна: | Карльскуга | ||||
| Плошча: | 27,33 км² | ||||
| Насельніцтва (2015) | |||||
| колькасьць: | 27 490 чал. | ||||
| шчыльнасьць: | 1005,85 чал./км² | ||||
| Часавы пас: | UTC+1 | ||||
| летні час: | UTC+2 | ||||
| Геаграфічныя каардынаты: | 59°18′54.356″ пн. ш. 14°29′30.278″ у. д. / 59.31509889° пн. ш. 14.49174389° у. д.Каардынаты: 59°18′54.356″ пн. ш. 14°29′30.278″ у. д. / 59.31509889° пн. ш. 14.49174389° у. д. | ||||
Карльскуга на мапе Швэцыі   Карльскуга | |||||
 Галерэя здымкаў у Вікісховішчы
| |||||
| http://www.karlskoga.se | |||||
Гісторыя
рэдагаваць
Першапачаткова на месцы сучаснай Карльскугі (на паўночным беразе возера Мёкэльн) знаходзіліся хаткі рыбакоў, якія так і называлі — Мёкэльнскія хаткі (па-швэдзку: Möckelns bodar, па-старашвэдзку Myklesboda). Усё навакольле мела тады назву Bodaskogen (прыкладны пераклад — «Лес хатак»). Назва Карльскуга («Карлаў лес») упершыню зьявілася ў 1589, калі гэтыя мясьціны наведаў герцаг Карл — будучы кароль Карл IX. Яшчэ ў 1583 ён загадаў перадаць Мёкэльнскія хаткі да ляндскапу Вэрмлянду — калі б гэтага не адбылося, то заходняя частка сучаснай Карльскугі належала б да Вэрмлянду, а вышэйзгаданая ўсходняя — да Нэрке[1]. У 1638 годзе ў Карльскузе была заснаваная першая жалезаробчая мануфактура. У XIX стагодзьдзі найбольш важнае значэньне сярод жалезаробчых мануфактураў набывае Буфорс. У 1940, калі Карльскуга атрымала статус гораду, была нават ідэя назваць гэты горад Буфорс. У 1980—1990-я гады скарачэньне расходаў на дзяржаўную абарону моцна закранула Карльскугу: колькасьць працоўных на Буфорсе скарацілася з 10 000 да 2000 чалавек, а насельніцтва ўсёй камуны — з 40 000 да 30 000 чалавек. У 2003 Унівэрсытэт Эрэбру адчыніў у Карльскузе філіял, які з 2007 атрымаў назву Campus Alfred Nobel.
Славутасьці
рэдагаваць- Царква Карльскугі (каля 1600 г.)
- Б’ёркбарнская сядзіба (Музэй А. Нобэля)
- Музэй працаўнікоў Гробу
Асобы
рэдагаваць- Альфрэд Нобэль — швэдзкі хімік, інжынэр, фундатар Нобэлеўскай прэміі, у апошнія гады жыцьця жыў і працаваў у Карльскузе
- Бэнгт-Оке Густаўсан — трэнэр зборнай Швэцыі па хакеі, нарадзіўся ў Карльскузе
- Крыстыян Бэрглюнд — хакеіст, гуляе за клюб BIK Karlskoga
- Лярс Эрыксан — музыка, нарадзіўся ў Карльскузе
Крыніцы
рэдагавацьВонкавыя спасылкі
рэдагаваць
Карльскуга — сховішча мультымэдыйных матэрыялаў