Капліца-пахавальня Завішаў (Узда)

Помнік сакральнай архітэктуры
Капліца-пахавальня Завішаў
Капліца-пахавальня Завішаў
Краіна	Беларусь
Места	Узда
Каардынаты	53°27′30″ пн. ш. 27°11′59″ у. д. / 53.45833° пн. ш. 27.19972° у. д. / 53.45833; 27.19972Каардынаты: 53°27′30″ пн. ш. 27°11′59″ у. д. / 53.45833° пн. ш. 27.19972° у. д. / 53.45833; 27.19972
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Капліца-пахавальня Завішаў на мапе Беларусі Капліца-пахавальня Завішаў

Капліца-пахавальня Завішаў — помнік архітэктуры XIX стагодзьдзя ва Ўзьдзе. Знаходзіцца на заходняй ускраіне места, на каталіцкіх могілках. Твор рамантычнай архітэктуры. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Мураваную капліцу ва Ўзьдзе збудавалі ў 2-й палове XIX ст. як фамільную пахавальню Завішаў.

Архітэктура

Помнік рамантычнай архітэктуры. Збудаваная з цэглы і бутавага каменю, нагадвае эгіпецкую піраміду. У цокалі мае нізкі лучковы праём уваходу і востраканечнае акенца пахавальні. У верхняй частцы невялікае патаемнае памяшканьне-малельня.

Сутарэньне перакрываецца стральчатым скляпеньнем, з бакоў у тры рады чаргуюцца нішы да пахаваньняў. У тарцы пахавальні — трохгранны подыюм і ніша для алтара. Сьцены пахавальні атынкаваныя і расшытыя пад руст^[1].

Крыніцы

^ Кулагін А. Каталіцкія храмы Беларусі. — Менск, 2008. С. 356.

Літаратура

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

Капліца-пахавальня Завішаў ва Ўзьдзе, Radzima.org

[1] Кулагін А. Каталіцкія храмы Беларусі. — Менск, 2008. С. 356.

[1]