Зыранка

Зыра́нка (па-расейску: Зырянка; па-якуцку: Зырянка) — пасёлак гарадзкога тыпу ў Расейскай Фэдэрацыі, адміністрацыйны цэнтар Верхнекалымскага ўлусу (раёну) Рэспублікі Саха (Якутыя). Разьмешчаны на левым беразе ракі Калыма пры упадзеньні ў яе ракі Ясачная. Адлегласьць да Якуцку: наземным шляхам 2440 км, паветраным 1255 км, водным 4282 км. Аэрапорт, рачная прыстань.

Зыранка
рас. Зырянка
Герб Зыранкі Сьцяг Зыранкі
Дата заснаваньня:	1936
Краіна:	Расея
Суб’ект фэдэрацыі:	Якутыя
Муніцыпальны раён:	Верхнекалымскі ўлус
Насельніцтва:	2913 чал. (2014)
Часавы пас:	UTC+11
Тэлефонны код:	+7 41155
Паштовы індэкс:	678770
Нумарны знак:	14
Геаграфічныя каардынаты:	65°44′4″ пн. ш. 150°53′52″ у. д.
Зыранка на мапе Расеі Зыранка
Галерэя здымкаў у Вікісховішчы

Гісторыя

Першыя зьвесткі аб наяўнасьці каменнага вугалю ў басэйне ракі Калымы прыводзяцца Янам Чэрскім у 1891 годзе. Ён пісаў пра вугляносныя адкладаньні ў вышнявіне ракі Зыранкі (левы прыток ракі Калымы) і яе прытоках да ручая Хара-Ўлах. У 1930-я гады узьнік пасёлак Зыранка для распрацовак радовішчаў каменнага вугалю. У пасёлку знаходзілася ўпраўленьне Зыранлягу (Дальбуд). З 1940 году — рабочы пасёлак. У гонар Яна Чэрскага ў пасёлку названая вуліца.

Насельніцтва

• 20 стагодзьдзе: 4245 (1959); 5260 (1970); 5749 (1979); 6687 (1989)
• 21 стагодзьдзе: 3749 (2002); 3384 (2010); 3009 (2013); 2913 (2014).

Літаратура

• Зырянка // Энциклопедия Якутии. Т. 1. Москва. 2000. С. 39.

Вонкавыя спасылкі

Зыранка — сховішча мультымэдыйных матэрыялаў