Каменскі замак

Каменскі замак — колішні замак у вёсцы Камень Валожынскага раёну Менскае вобласьці.

Гісторыя

У 1527 г. маёнтак і замак, уласнасьць гаспадарскага маршалка Мікалая Юр’евіча Забярэзінскага; ён запісаў яго сваёй жонцы Алене — дачцэ магілёўскага дзяржаўцы князя Васіля Іванавіча Саламарэцкага.

Да 1539 г. - маёнтак і замак троцкага ваяводы Я. Я. Забярэзінскага (дзядзька М. Ю. Забярэзінскага). Ураднік маёнтка (кіруючы маёнткам) — гаспадарскі баярын Ян Мікалаевіч Валменскі.

Пасьля сьмерці ваяводы маёнтак і замак пераходзяць ва ўладаньне яго сына гаспадарскага маршалка і самілішскага дзяржаўцы Яна Янавіча Забярэзінскага. Ён звяртаўся ў суд са скаргай на кіраўніка маёнткам Я. М. Валменскага за спусташэньне бацькоўскіх маёнткаў.