Залатая зорка (Азэрбайджан)
Мэда́ль «Залата́я зо́рка» (па-азэрбайджанску: «Qızıl Ulduz» medalı) — асаблівы знак адзнакі Нацыянальнага героя Азэрбайджану. Найвышэйшая ступень адрозьненьня Азэрбайджанскай рэспублікі.
| Мэдаль «Залатая зорка» | |||
| |||
| Арыгінальная назва | «Qızıl Ulduz» medalı | ||
|---|---|---|---|
| Краіна |
 Азэрбайджан | ||
| Тып | мэдаль | ||
| Каму ўручаецца | азэрбайджанскія дзяржаўныя службоўцы, грамадзяне й неграмадзяне, замежнікі | ||
| Падставы ўзнагароджаньня | за асабістую мужнасьць і адвагу, праяўленыя пры абароне сувэрэнітэту і тэрытарыяльнай цэласнасьці Азэрбайджанскай рэспублікі, забесьпячэньне бясьпекі цывільнага насельніцтва | ||
| Статус | уручаецца | ||
| Статыстыка | |||
| Парамэтры |
27 мм х 20 мм, 21,5 грамаў | ||
| Дата заснаваньня | 25 сакавіка 1992 (32 гады таму) | ||
| Старэйшая ўзнагарода | мэдаль „Герой Айчыннай вайны“[d][1] | ||
| Малодшая ўзнагарода | мэдаль „За Радзіму“[d][1] | ||
_-_lent.png){kind=small}
Зацьверджаная прэзыдэнтам Азэрбайджана Абульфазам Эльчыбэем 25 сакавіка 1992 року законам № 201. Упершыню мэдалём былі ўзнагароджаныя 23 чалавекі ў чэрвені 1992 року.
Узнагарода надаецца за асабістую мужнасьць і адвагу, праяўленыя пры абароне сувэрэнітэту і тэрытарыяльнай цэласнасьці Азэрбайджанскай рэспублікі, забесьпячэньне бясьпекі цывільнага насельніцтва.
Апісаньне
рэдагаваць
Новы мэдаль «Залатая зорка» уяўляе зь сябе залатую васьміканцовую зорку з гладкімі дзьвюхграневымі прамянямі дыямэтрам 31,5 мм, злучаную дзьвюма вушкамі і колцам зь пяцікутнай пласьцінай, акаймаванай па пэрымэтры венцам 27×20 мм. Унутраная частка пласьціны абцягнутая муаравай стужкай, колеры якой адпавядаюць сьцягу Азэрбайджанскай рэспублікі (блакітны, чырвоны, зялёны). На рэвэрсе мэдаля ў цэнтры надпіс «Azərbaycanın Milli Qəhrəmanı». У верхнім прамяні выгравіраваны парадкавы нумар. Мэдаль носяць на левым баку грудзей вышэй за іншыя ордэны і мэдалі.
Мінуўшчына
рэдагавацьПершапачаткова мэдаль меў форму пазалочанага паўмесяца, павернутага направа, унутры якога разьмяшчалася васьміканцовая зорка з гладкімі дзьвюхграневымі прамянямі на пярэднім баку.
Адваротны бок мае гладкую паверхню і абмежаваны па контуры выступаючым тонкім венцам. У цэнтры мэдалю разьмешчаны надпіс выпуклымі літарамі: «Нацыянальны герой Азэрбайджану». У верхнім прамяні — нумар мэдаля, вышынёй 1 мм.
Мэдаль з дапамогаю вушка і кольца злучаны з мэталёвай пазалочанай калодачкай, якая ўяўляе зь сябе пяцікутную пластынку вышынёй 20 мм і шырынёй 26 мм, акаймаваную па пэрымэтру венцам. Уздоўж асновы калодачкі ідуць прарэзы, унутраная частка абцягнутая муаравай трохколернай стужкай у адпаведнасьці з разфарбоўкай дзяржаўнага сьцягу Азэрбайджанскай рэспублікі. Маса 21,5 грамаў.
Закон ад 7 ліпеня 1992 року абвяшчаў:
- 3акон Азэрбайджанскай рэспублікі ад 7 ліпеня 1992 г. № 201
«Пра ўсталяваньне асобага знаку адрозьненьня Нацыянальнага героя Азэрбайджану»
Нацыянальны сход Азэрбайджанскай рэспублікі пастанаўляе:
1. Усталяваць асобы знак адрозьненьня Нацыянальнага героя Азэрбайджану — мэдаль «Паўмесяц і Зорка».
2. Зацьвердзіць выяву й апісаньне мэдалю «Паймесяц і Зорка» (прыкладзеныя).
- Прэзыдэнт Азэрбайджанскай рэспублікі Абульфаз Эльчыбэй.
Пасьля прыняцьця зьмяненьняў і дапаўненьняў паводле закону № 429 ад 6 лютага 1998 да ранейшага закону ў якасьці знаку ўзнагароды «Нацыянальны герой Азэрбайджану» быў выпушчаны мэдаль «Залатая зорка».
Глядзіце таксама
рэдагавацьКрыніцы
рэдагаваць- ^ а б Azərbaycan Respublikasının orden və medallarının təsis edilməsi haqqında (азэрб.) — Bakı: 1992.
Вонкавыя спасылкі
рэдагаваць- Мэдалі й ордэны Азэрбайджану (рас.)