Жыве Беларусь! (песьня)

«Жыве Беларусь!» — песьня 1990 году на словы паэта Леаніда Пранчака і музыку кампазытара Васіля Раінчыка.

«Жыве Беларусь!»
Гімн
Мова	беларуская
Выдадзеная	1990
Аўтар(ы)	Леанід Пранчак
Кампазытар(ы)	Васіль Раінчык

Дадзены гімн меў мажорную і прыкметную мэлёдыю. Тэкст песьні зьмяшчаў адсылкі да іншых гістарычных гімнаў Беларусі. На пачатку 1990-х гадоў песьня прапаноўвалася ў якасьці дзяржаўнага гімну Беларусі, але тую прапанову адпрэчыў Вярхоўны Савет Беларусі.

Тэкст песьні

Жыве Беларусь! Веру, будзе жыць заўсёды! Сьвятло Пагоні будзе сэрцы нашы акрыляць. Жыве! Жыве наш Край магутны і свабодны, Нескароная нікім і сьвятая Зямля. Беларусь! Беларусь! Хай цябе мінуць усе нягоды. Век у шчасьці жыві, ты Радзіма мая! Жыве Беларусь, нашай волі абуджэньне. Краіна-маці, ты прызнаньне шчырае прымі. Жыве! Жыве, гучыць узьнёсла бласлаўленьне Беларускі горды дух увасстаў з даўніны. Беларусь! Беларусь, мы тваё вітаем Адраджэньне Будзеш вечна вольнай ты, будзем вольнымі мы. Жыве Беларусь! Нас нядоля не здалела. Магутны Божа, беражы Айчыну з году ў год. Жыве, жыве, як непагасны сымбаль веры, Будзеш вечна на зямлі паспаліты наш Род. Беларусь, Беларусь, пад штандарам бел-чырвона-белым Век у шчасьці жыві Беларускі Народ! —Леанід Пранчак, «Жыве Беларусь!»