Жаба азёрная (Rana ridibunda) — земнаводнае сямейства сапраўдных жаб.

Жаба азёрная
RanaRidibundaFemale.jpg
Клясыфікацыя
Царства Жывёлы
Тып Хордавыя
Падтып Хрыбетныя
Кляса Земнаводныя
Падкляса Дугапазванковыя
Атрад Бясхвостыя
Сямейства Звычайныя жабы
Род Жабы
Від Жаба азёрная
Бінамінальная намэнклятура
Rana ridibunda

АпісаньнеРэдагаваць

Даўжыня цела 6—13 см, маса да 200 г. Цела падоўжанае, морда авальная, крыху завостраная. Зьверху цела афарбавана ў буравата-зялёны колер розных адценьняў зь цёмнымі плямамі. Уздоўж галавы і хрыбта ў большасьці асобін (да 90%), якія пашыраны ў Беларусі, праходзіць сьветлая паласа рознай ступені выразнасьці. Ніжняя частка цела афарбавана ў брудна-белы або зьлёгку жаўтаваты колер, у большасьці выпадкаў са шматлікімі цёмнымі, часам чорнымі плямамі. Вочы ярка-залацістага колеру. Лічынка-апалонік, сьветла-аліўкавай афарбоўкі, грушападобнай формы.

Гэта самы буйны від сярод земнаводных Палеарктыкі. Трапляюцца гіганты даўжынёй да 17 см. Саміцы звычайна буйнейшыя за самцоў.

ЛітаратураРэдагаваць

  • Земнаводныя. Паўзуны: Энцыклапедычны даведнік. Мн., БелЭн, 1996. ISBN 985-11-0067-6
  • Пікулік М. М. Навошта нам амфібіі? — Мн.: Навука і тэхніка, 1992. ISBN 5-343-00383-4
  • Пикулик М. М. Земноводные Белоруссии. — Мн.: Наука и техника, 1985.
  • Пикулик М. М. Знакомые незнакомцы: Об амфибиях Белоруссии. — Мн.: Наука и техника, 1981.

Вонкавыя спасылкіРэдагаваць

  Жаба азёрнаясховішча мультымэдыйных матэрыялаў