Ені Бэрггрэн

Вікіпэдыя мае артыкулы пра іншых асобаў з прозьвішчам Бэрггрэн.

Е́ні Сэсы́лія Бэрггрэн (па-швэдзку: Jenny Cecilia Berggren), у шлюбе Пэтрэ́н (па-швэдзку: Petrén, нарадзілася 19 траўня 1972 году, Гётэборг, Швэцыя) — швэдзкая сьпявачка і паэтка-песеньніца, адна з заснавальніцаў гурту Ace of Base.

Ені Бэрггрэн
Ені Сэсылія Бэрггрэн
Ені Бэрггрэн у 2008 годзе
Дата нараджэньня	19 траўня 1972 (52 гады)
Месца нараджэньня	Гётэборг, Швэцыя
Грамадзянства	Швэцыя
Месца вучобы	Schillerska gymnasiet[d]
Прафэсія	паэтка-песеньніца, сьпявачка
Сябра ў	Ace of Base
Жанры	поп
Вакал	мэцца-сапрана[d]
Інструмэнты	голас
Гурты	Ace of Base
Лэйблы	Universal Music Group
Сайт	jennyberggren.com
Ені Бэрггрэн у Вікісховішчы

Біяграфія

Ені нарадзілася ў Гётэборгу і была трэцім і апошнім дзіцём у сям’і Ёрана і Біргіты Бэрггрэн. Вывучала клясычную музыку, разам зь сястрой Ма́лін сьпявала ў царкоўным хоры. У 1987 годзе, разам з Малін, братам Ю́насам, а таксама Ёні Ліндэнам і Ніклясам Транкам, заснавала гурт Tech Noir, які на пачатку 1990-х ператварыўся ў Ace of Base — адзін з самых пасьпяховых швэдзкіх гуртоў.

У 2009 годзе адбылося непаразуменьне паміж мужчынскай часткай Ace of Base і Ені, і апошняя занялася сола-кар’ерай: спачатку, у сакавіку 2010 году, яна дазволіла сваім фанатам бясплатна скачваць сваю песьню Free Me, а 19 траўня 2010 (у ейны дзень народзінаў) выйшаў яе першы афіцыйны сынгл — Here I Am. 13 кастрычніка выйшаў альбом My Story.

Прыватнае жыцьцё

27 красавіка 1994 году Ені з маці, падпалі ў сваім уласным доме пад напад дзяўчыны-вар’яткі, якая параніла нажом рукі маці Ені.

У 2004 годзе Ені выйшла замуж за швэдзкага музы́ку й кампазытара Якаба Пэтрэ́на, зь якім мае двух дзяцей (сына й дачку). Жыве зь сям’ёй у Гётэборгу.

Вонкавыя спасылкі

Ені Бэрггрэн — сховішча мультымэдыйных матэрыялаў

• Jenny Berggren.com