Дыхаць!
Дыхаць! — складанка песень розных беларускіх выканаўцаў. На ёй прадстаўлены як вядомыя гурты ды песьні, гэтак і на той момант маладыя ды малавядомыя выканаўцы. Увесь матэрыял — і стары і новы — запісваўся на студыі «Rembrandt» Беластоцкага радыё ў 2005 годзе. З красавіка па чэрвень гурты ў поўным складзе арганізавана вывозіліся на запіс у Беласток. Паралельна вяліся здымкі студыйнага і па-за студыйнага працэсаў стварэньня дыску, а таксама эпізодаў з прыватнага жыцьця музыкаў-удзельнікаў. Фільм пакуль што так і застаўся незмантаваны. Дыск выйшаў ў ліпені 2006 году. На дыску 16 трэкаў гуртоў, ды схаваны 17 трэк — адмыслова запісаны хор салістаў Сьвята-Петрапаўлаўскага сабору гораду Менску, што выконваюць «Магутны Божа». Складанка Дыхаць! пакуль зьяўляецца адным з самых дарагіх музычных праектаў сучаснай Беларусі. Па словах прадусараў, на яго стварэньне патрачана больш $20 000. Фінансаваньне ішло зь незалежных крыніцаў.
| Дыхаць! | ||
|---|---|---|
| Складанка | ||
| Выдадзены | 2006 | |
| Запісаны | красавік — чэрвень 2005, студыя «Rembrandt» | |
| Працягласьць | 1:11:21 | |
| Выдавец | ТА «Гукі і малюнкі» | |
| Прадусар | Аляксандар Памідораў | |
Зьмест
рэдагаваць- IQ48 — «Сьвятло ў цемры»
- Палац — «Кола»
- Крама — «Бяжы, хлопец!»
- Зьмяя — «Антонаўка»
- Zet — «Радзіма-Свабода!»
- Neuro Dubel — «Belarus Über Alles»
- ZERO-85 — «Вольны»
- Альтанка — «Казацкая»
- ULIS — «Мы ўцякаем»
- Pomidor/OFF — «Шабаны»
- BN — «Моднікі»
- Indiga — «Бяжы са мной»
- Tav.Mauzer — «Людзі»
- N.R.M. — «Гадзючнік»
- WZ-Orkiestra — «Bella Ciao!»
- Мроя — «Краіна Крывавых Дажджоў»
- Ансамбль салістаў кліраснага хору Менскага Сьвята-Петрапаўлаўскага сабору — «Магутны Божа!» (бонус трэк)
Выдаўцы
рэдагаваць- Аляксандар Памідораў: выканаўчы прадусар (Беларусь)
- Кастусь Гук: прадусар (Расея)
- С. Клібіш: гукарэжысэр (запіс у Польшчы)
- А. Харытонаў: гукарэжысэр (запіс у Польшчы)
- Д. Борбух: гукарэжысэр (запіс у Беларусі)
- Сяргей Лабандзіеўскі: гукарэжысэр (запіс у Польшчы, мікс)
- Аляксей Пацёмкін: дызайн