Друкарня (Мураваная Ашмянка)
Помнік грамадзянскай архітэктуры | |
Друкарня
| |
Краіна | Беларусь |
Вёска | Мураваная Ашмянка |
Каардынаты | 54°27′09.11″ пн. ш. 25°46′49.33″ у. д. / 54.4525306° пн. ш. 25.7803694° у. д.Каардынаты: 54°27′09.11″ пн. ш. 25°46′49.33″ у. д. / 54.4525306° пн. ш. 25.7803694° у. д. |
Архітэктурны стыль | клясыцызм |
Друкарня |
Друкарня — помнік архітэктуры канца XVI — XIX стагодзьдзяў у Мураванай Ашмянцы. Знаходзіцца за 1 км на паўднёвы заход ад колішняга мястэчка, на беразе ракі Ашмянкі. Твор архітэктуры раньняга барока і клясыцызму.
Гісторыя
рэдагавацьВялікае Княства Літоўскае
рэдагавацьМураваны будынак друкарні збудавалі ў канцы XVI ст. Яе заснаваў стольнік Мікалай Дарагастайскі. Друкарня дасягнула росквіту ў XVII ст., калі належала сыну Мікалая Крыштапу. Сярод выдадзеных тут кніг «Гіпіка» К. Дарагастайскага, «Цэнзура» В. Салінарыуса (1615 год).
Пад уладай Расейскай імпэрыі
рэдагавацьУ сярэдзіне XІX ст. будынак друкарні перабудавалі пад палац. У XІX — пачатку XX стагодзьдзя сфармавалася алея, якая вяла да палаца. Таксама тут збудавалі прыдарожную капліцу. У літаратуры ёсьць зьвесткі, што ў памяць пра будаваньне сядзібы каля яе ўваходу ўмуравалі камень з датамі «1590—1843 гады».
Апісаньне
рэдагавацьПомнік архітэктуры раньняга барока. Гэта будынак з буйнапамернай цэглы (32 × 16 × 7 см), ад якога часткова захаваліся сутарэньні, цокаль і сьцены верхняга паверху. Сутарэньні мелі цыліндрычныя скляпеньні, цокаль — крыжовыя. Пры перабудове пад палац узьвялі верхні паверх у стылі клясыцызму, аркавыя вокны цокалю заклалі, сьцены абводам рытмічна прарэзалі прастакутнымі аконнымі праёмамі[1].
Крыніцы
рэдагаваць- ^ Архітэктура Беларусі. Энцыкл. — Менск, 1993. С. 353.
Літаратура
рэдагаваць- Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.