Дзяцел малы

Малы дзяцел (па-лацінску: Picoides minor, сынонім па-лацінску: Dendrocopos minor) — птушка, самы дробны прадстаўнік сямейства ў Эўропе і Азіі.

Малы дзяцел
Dendrocopos minor, fem
Клясыфікацыя
Царства	Жывёлы
Тып	Хордавыя
Кляса	Птушкі
Атрад	Дзятлападобныя
Сямейства	Дзятлавыя
Род	Picoides
Від	Малы дзяцел
Бінамінальная намэнклятура
Picoides minor (Linnaeus, 1758)
Арэал
Малы дзяцел на Віківідах  Малы дзяцел у Вікісховішчы ITIS 554037 · NCBI 345735

Апісаньне

Стракаты, невялікі. Сьпіна чорная ў белыя палоскі. Спод цела белаваты, без чырвонага. У самца чырвоная «шапачка» і белы лоб, у самкі верх галавы белаваты. У маладых спод цела карычняваты, часам чырвоная «шапачка». Голас: шлюбны «кік-кік-кік», позыў — аднаразовае «кік», падобнае, як у вялікага дзятла, але больш ціхае і мяккае. Стукае далікатна па тонкіх галінках. Даўжыня цела 14—16 см, размах крылаў 25—30 см.

Падвіды

• D. m. minor — паўночна-ўсходняя Эўропа ад Скандынавіі да Ўралу;
• D. m. hortorum — цэнтральная і заходняя Эўропа;
• D. m. comminutus — Ангельшчына, Ўэйлз;
• D. m. buturlini — паўднёвая Эўропа ад Гішпаніі да Грэцыі і Румыніі;
• D. m. danfordi — Грэцыя, Азія;
• D. m. colchicus — Каўказ;
• D. m. quadrifasciatus — паўднёвы Каўказ

Біятоп

Розныя тыпы асьветленых дрэвастояў зь лісьцевымі дрэвамі, рачныя даліны, парослыя дрэвамі, сады, групы дрэў сярод палёў, алеі, урбанізаваныя тэрыторыі. Пазьбягае сухіх бароў і цёмных дрэвастояў.

Гняздо

У дупле ў мяккім дрэве, у ствале або бакавых галінах на рознай вышыні — ад 1 м ад зямлі да вяршаліны дрэва — нават да 10 м, бяз высьцілкі. Глыбіня гнездавой камэры 10—18 см, шырыня — 10—20 см, Дыямэтр адтуліны 3—4 см.

Яйкі

Dendrocopos minor

5—6 (3—8), эліптычныя, падоўжаныя з гострым вузейшым канцом, белыя, бліскучыя. Памеры: 19,0 × 14,5 мм (17,0—22,0 × 13,0—16,0 мм).

Арэал

Палеарктыка (акрамя Поўначы і Поўдня).

Пералёты

Аселы. Узімку вандруе ў межах гнездавога арэала, часам у выглядзе інвазіяў.

Месца зімовак

У межах гнездавога арэала.

На Беларусі

Звычайны на гнездаваньні аселы і качуючы від. Ад Поўначы на большай частцы тэрыторыі сустракаецца D. m. minor, птушкі зь пераходнымі рысамі да D. m. hortorum адзначаюцца на паўднёвым захадзе краіны.

Вонкавыя спасылкі

Дзяцел малы — сховішча мультымэдыйных матэрыялаў