Джру Голідэй
Джру Голідэй (па-ангельску: Jrue Holiday; нарадзіўся 12 чэрвеня 1990 году, Чатсўорт, Каліфорнія) — амэрыканскі прафэсійны баскетбаліст, які выступае за «Бостан Сэлтыкс» у НБА. Голідэй двойчы браў удзел у матчы ўсіх зорак НБА ды быў шасьціразовым удзельнікам сымбалічнай усеабарончай зборнай НБА. Ён таксама здабываў залаты мэдаль з зборнай ЗША на летніх Алімпійскіх гульнях 2020 году. Зважаецца адным з найлепшых абаронцаў у гісторыі НБА[1][2][3].
| Джру Голідэй Jrue Holiday | ||
.jpg) | ||
| Джру Голідэй у 2021 годзе. | ||
| Бостан Сэлтыкс – №4 | ||
|---|---|---|
| Ліга: | НБА | |
| Пазыцыя: | Гульнёвы абаронца / Атакуючы абаронца | |
| Асабістая інфармацыя | ||
| Дата нараджэньня: | 12 чэрвеня 1990 (34 гады) | |
| Месца нараджэньня: | Чатсўорт, Каліфорнія, ЗША | |
| Грамадзянства: |  ЗША
| |
| Рост: | 191 см | |
| Вага: | 93 кг | |
| Кар’ера | ||
| Школа: | Кэмбэл Гол (Студыё-Сіці, Каліфорнія, ЗША) | |
| Унівэрсытэт: | Каліфарнійскі ўнівэрсытэт у Лос-Анджэлесе (2008—2009) | |
| Драфт НБА: | 2009 / Раўнд: 1 / Пік: 17 | |
| Абраны Філадэлфія Сэвэнці Сыксэрз | ||
| Кар’ера гульца: | 2009— | |
| Каманды | ||
| 2009—2013 | Філадэлфія Сэвэнці Сыксэрз | |
| 2013—2020 | Нью-Арлеан Пэліканз | |
| 2020—2023 | Мілўокі Бакс | |
| 2023— | Бостан Сэлтыкс | |
| Дасягненьні і ўзнагароды | ||
| Удзельнік гульні ўсіх зорак НБА (2013) | ||
| Першая сымбалічная абарончая зборная НБА (2018) | ||
| Другая сымбалічная абарончая зборная НБА (2019) | ||
| Статыстыка ў НБА | ||
| Агулам | Сярэдняе | |
| Рэгулярны сэзон[a] | ||
| Гульні: | 679 | |
| Пункты: | 10673 | 15.7 (244) |
| Падборы: | 2633 | 3.9 |
| Перадачы: | 4330 (98) | 6.4 (45) |
| Перахопы: | 1011 (168) | 1.5 (86) |
| Блёкшоты: | 337 | 0.5 |
| Трохпунктавыя кідкі: | 855 (151) | 1.3 |
| Плэй-оф | ||
| Гульні: | 30 | |
| Пункты: | 509 | 17.0 (157) |
| Падборы: | 134 | 4.5 |
| Перадачы: | 165 | 5.5 (56) |
| Перахопы: | 42 | 1.4 (77) |
| Блёкшоты: | 16 | 0.5 |
| Трохпунктавыя кідкі: | 48 (208) | 1.6 |
| Абноўлена: 20 сьнежня 2019 | ||
| ||
| Спасылкі | ||
| Статыстыка на NBA.com | ||
| Статыстыка на Basketball-Reference.com | ||
Кар’ера
рэдагавацьГолідэй пачаў свае выступы ў студэнцкім баскетболе, абараняючы колеры каманды Каліфарнійскага ўнівэрсытэту ў Лос-Анджэлесе. У 2009 годзе быў абраны на драфце НБА клюбам «Філадэлфія Сэвэнці Сыксэрз» пад агульным 17-м нумарам.
3 красавіка 2010 году спартовец назьбіраў рэкордныя для сэзону 25 пунктаў у матчы супраць «Таронта Рэптарз». 5 лістапада 2010 году Голідэй усталяваў новы максымум сваёй кар’еры, паклаўшы на свой рахунак у матчы супраць «Кліўлэнд Кавальерз» 29 пунктаў. 2 лютага 2011 году ён зрабіў свой першы ў кар’еры трыпл-дабл з 11-ю пунктамі, 10-ю падборамі і 11-ю перадачамі ў гульні супраць «Нью-Джэрзі Нэтс». 17 сакавіка 2012 году Голідэй усталяваў новы асабісты рэкорд, набраўшы 30 пунктаў у матчы супраць «Чыкага Булз».
Абаронца згуляў чатыры сэзоны за каманду зь Філадэлфіі, перш чым ён быў абменены ў «Нью-Арлеан Пэліканз» у 2013 годзе. Ягоны сэзон 2013—14 гадоў скончыўся заўчасна пасьля заключнай апэрацыі ў лютым 2014 году ў сувязі зь пераломам правай галёнкі. Праз траўму галёнкі Голідэй не гуляў з 8 студзеня. 5 студзеня 2015 году ў матчы супраць «Вашынгтон Ўізардс» абаронца зарабіў 5000 пунктаў за кар’еру[4]. 18 лютага ён выбыў на тры тыдні праз пашкоджаньне правай нагі[5]. Голідэй вярнуўся на пляцоўку значна пазьней, чым першапачаткова чакалася, зьявіўшыся з лавы запасных 10 красавіка ў матчы супраць «Фінікс Санз», пасьля таго, як прапусьціў 41 гульню[6].
У 2020 годзе гулец паводле дамову абмену трапіў у «Мілўокі Бакс», зь якой здабыў свой першы чэмпіёнскі тытул НБА ў 2021 годзе. Пазьней Голідэй быў абменены ў «Бостан Сэлтыкс» у 2023 годзе, дзе таксама стаў чэмпіёнам лігі ў 2024 годзе.
Крыніцы
рэдагаваць- ^ Nehm, Eric (11.04.2022). «Bucks guard Jrue Holiday on his secrets to being one of the NBA’s best defenders». The New York Times.
- ^ Panerio, Jonas (22.04.2023). «NBA players believe Jrue Holiday is the league’s best defender». Sports Illustrated.
- ^ «Tyrese Haliburton: 'Jrue Holiday is the best defender in the NBA'». HoopsHype.
- ^ «Pelicans’ Holiday reaches 5,000 point milestone». FoxSports.
- ^ «Jrue Holiday Injury Update». NBA.
- ^ «Davis scores 19 to help Pelicans beat Suns 90-75». NBA.