Гераскіпу
Гераскіпу (па-грэцку: Γεροσκήπου) — горад у Рэспубліцы Кіпр, у акрузе Пафас. У 2011 годзе ягонае насельніцтва складала 7878 чалавек.
| Гераскіпу | |
| грэц. Γεροσκήπου | |
 Царква Сьвятой Параскевы | |
| Першыя згадкі: | I ст. да н.э. |
| Краіна: | Кіпр |
| Кіраўнік: | Міхаіл Паўлідзіс[d][1] |
| Плошча: | |
| Насельніцтва (2011) | |
| колькасьць: | 8,313 чал. |
| этнічны склад: | Грэкі-кіпрыёты |
| Тэлефонны код: | 357 26 |
| Паштовы індэкс: | 8200 |
| Геаграфічныя каардынаты: | 34°45′39.26804″ пн. ш. 32°26′54.37828″ у. д. / 34.7609077889° пн. ш. 32.4484384111° у. д.Каардынаты: 34°45′39.26804″ пн. ш. 32°26′54.37828″ у. д. / 34.7609077889° пн. ш. 32.4484384111° у. д. |
Гераскіпу на мапе Кіпру   Гераскіпу | |
 Галерэя здымкаў у Вікісховішчы
| |
| http://www.geroskipou-municipality.com/ | |
Назва населенага пункта зьвязаная з культам Афрадыты і паходзіць ад «сьвятых садоў» (грэч. ιερός κήπος, ерос кіпас) багіні, якія знаходзіліся ў гэтым месцы.
Турыстычная інфармацыя
рэдагавацьУ гэтым разьдзеле няма спасылак на якія-небудзь крыніцы (29 жніўня 2024).
|
У цэнтры Гераскіпу знаходзіцца трохнэфная, пяцікупальная царква, асьвечаная ў гонар сьвятой Параскевы. Храм ёсьць прыкладам бізантыйскай сакральнай архітэктуры IX стагодзьдзя. Фрэскі ўнутры храма датуюцца VIII—XV стагодзьдзямі.
У будынку XVIII стагодзьдзя, які некалі належаў Андрэасу Зымбулякісу, заможнаму брытанскаму консульскаму службоўцу, знаходзіцца этнаграфічны музэй. Музэй быў заснаваны ў 1978 годзе, і ягоная калекцыя ўключае экспанаты XIX і XX стагодзьдзяў, якія адлюстроўваюць штодзённае жыцьцё і рамесную дзейнасьць кіпрэяў, а таксама кіпрскую народную мастацкую культуру.
У Гераскіпу вырабляецца лукумі — тып рахат-лукума, які быў прызнаны прадуктам з ахоўным геаграфічным указаньнем у Эўрапейскім Зьвязе. Гэта першы кіпрскі прадукт, які атрымаў такое прызнаньне. Лукумі з Гераскіпу выпускаецца з рознымі смакамі: ружовым, мандарынавым, апэльсінавым, мятным, бананавым, цытрынавым, з мастыкай, ванільным, а таксама шакалядным і арэхавым.
Славутасьці
рэдагаваць- Царква Сьвятой Параскевы (844 г.)
- Этнаграфічны музэй
Галерэя
рэдагаваць- Краявіды Гераскіпу
-
Краявід -
Царква -
Царква. Фрэскі
.jpg)
Крыніцы
рэдагаваць- ^ а б Δήμος Γεροσκήπου (грэц.)
- ^ ΤΑΞΙΝΟΜΗΣΗ ΓΙΑ ΤΟΝ ΒΑΘΜΟ ΑΣΤΙΚΟΠΟΙΗΣΗΣ ΣΤΗΝ ΚΥΠΡΟ (грэц.) — Στατιστική Υπηρεσία της Κυπριακής Δημοκρατίας, 2016.
- ^ CLASSIFICATION FOR THE DEGREE OF URBANISATION IN CYPRUS (анг.) — CYSTAT, 2016.