Гартс Эдынбург

шатляндзкі футбольны клюб з Эдынбургу

«Гарт оф Мідлётыян» (па-ангельску: Heart of Midlothian F.C.) — шатляндзкі футбольны клюб з гораду Эдынбургу, прадстаўнік Прэм’ер-лігі Шатляндыі. Адзін з двух клюбаў гораду, якія прадстаўляюць найвышэйшую лігу краіны, другі мае назоў «Гібэрніян». Хатнія матчы праводзіць на стадыёне «Тынкасл», які месьціцца ў эдынбурскім раёне Горгі. Стадыён зьяўляецца хатняй арэнай з 1886 году й зьмяшчае 17 420 гледачоў. У 2005 годзе летувіска-расейскі бізнэсоўца й банкір Уладзімер Раманаў выкупіў большую частку правоў на клюб у былога ўладальніка Крыса Робэртсана. На сёньняшні дзень клюб знаходзіцца пад вонкавым адміністрацыйным кантролем, паклаўшы канец уладаньню клюбам Уладзімерам Раманавым. Апошнім значным дасягненьнем клюбу лічыцца перамога ў Кубку Шатляндыі ў 2012 годзе, дзе ў фінале «сэрцы» перамаглі свайго спрадвечнага суперніка клюб «Гібэрніян» зь лікам 5:1[1].

Гартс
Heartslogo.png
Поўная назва Heart of Midlothian Football Club
Заснаваны 1874
Горад Эдынбург, Шатляндыя
Стадыён Тынкасл
Умяшчальнасьць: 17 420
Прэзыдэнт Эн Бадж[d]
Галоўны трэнэр
Чэмпіянат Прэм’ер-ліга
 · 2021—2022 3 месца
Хатнія колеры
Выязныя колеры
Трэція колеры
heartsfc.co.uk(анг.)

ГісторыяРэдагаваць

Найбольш ранішняе згадваньне клюбу пад назовам Heart of Midlothian у спартовым кантэксьце было зроблена ў газэце The Scotsman 20 ліпеня 1864 году, калі каманда The Scotsman і Heart of Midlothian праводзілі гульню ў крыкет. На сёньняшні дзень невядома меў гэты клюб дачыненьне да футбольнага ці не, але ў тыя часу ў Брытаніі шмат клюбаў таксама добра гулялі ў іншых відах спорту[2]. «Гартс» быў заснаваны ў 1874 году. Па розных меркаваньнях назва была ўзята ад папулярнай невялічкай танцавальнай залі[3], якая ў сваю чаргу так звалася па вядомым рамане сэра Ўолтэра Скота «Сэрца графства Лётыян» (Heart of Midlothian).

Клюб пачаў мець сур’ёзныя фінансавыя праблемы ў лістападзе 2011 году, што азначала, што кіраўніцтва было не ў стане выплаціць гульцам заробную плату[4], і клюб быў выстаўлены на продаж[5]. Заробак за кастрычнік быў выплачаны позна, а заробак за лістапад гульцы ўбачылі толькі праз дваццаць дзевяць дзён, літаральна за дзень іхнага заробку за сьнежань[6]. Але й заробак за сьнежань таксама ня быў выплачаны своечасова[7], з-за чаго прафзьвяз гульцоў падаў скаргу ў кіраўніцтва шатляндзкай Прэм’ер-Лігі[8]. У гэты пэрыяд клюб параіў гульцам шукаць новы клюб[9]. 4 студзеня 2012 году кіраўніцтва Прэм’ер-Лігі загадала «Гартсу» выплаціць усе нявыплачаныя заробкі да 11 студзеня й настойвала, каб заработная плата студзеня павінна была быць выплачана ў тэрмін да 16 студзеня[10]. «Гартс» выплаціў усе заробкі 16 студзеня пасьля продажу Эгерта Ёнсана ва «Ўулвэргэмптан Ўандэрэрз»[11].

17 чэрвеня 2013 году «Гартс» быў перададзіны пад вонкавы кантроль, маючы пазыку ў памеры 25 мільёнаў фунтаў стэрлінгаў[12].

Фарм-клюбыРэдагаваць

Наступныя клюбы раней прымыкалі да «Гартсу», калі яны ўваходзілі ў холдынг Уладзімера Раманава: «Коўна» (Летува), «Партызан» (Беларусь).

ДасягненьніРэдагаваць

СкладРэдагаваць

Актуальны на 11 лістапада 2022 году
Пазыцыя Імя Год нараджэньня
1   Бр Крэйг Гордан (капітан) 1982
2   Аб Майкл Сьміт 1988
3   Аб Стывэн Кінгсьлі 1994
4   Аб Крэйг Голкет 1995
5   ПА Пэтэр Гарынг 1993
6   ПА Бэні Банінгім 1998
7   ПА Джордж Грант 1994
8   ПА Арэстыс Кіямуртзоглю 1998
9   Нап Лоўрэнс Шэнкланд 1995
10   Нап Ліям Бойс 1991
11   ПА Гэры Макі-Стывэн 1990
12   Аб Натаніел Эткінсан 1999
13   Бр Рос Ст’юарт 1995
14   ПА Кэмэран Дэўлін 1998
Пазыцыя Імя Год нараджэньня
15   Аб Кай Роўлз 1998
16   ПА Эндзі Голідэй 1991
17   ПА Алан Форэст 1996
18   Нап Бары Макі 1994
19   Аб Алекс Кокрэн 2000
20   Аб Льюіс Нілсан 2003
21   Аб Тобі Сыбік 1999
22   Нап Юэн Гэндэрсан 2000
27   ПА Конар Сьміт 2002
28   Бр Зандэр Кларк 1992
29   Нап Стывэн Гамфрыс (ар. Ўіган) 1997
30   Нап Джош Гінэлі 1997
39   ПА Фінлэй Полак 2004
77   Нап Робэрт Снодграс 1987

КрыніцыРэдагаваць

Вонкавыя спасылкіРэдагаваць