Вікіпэдыя:Артыкулы для рэцэнзаваньня
| Скарачэньне: ВП:АДР |
|---|
Гэтая старонка прызначана для таго, каб удзельнікі, якія напісалі артыкул аднаасобна ці невялікай групай, маглі запытаць іншых ацаніць артыкул сьвежым поглядам. Выстаўленьне артыкула да рэцэнзаваньня рэкамэндуецца перад тым, як выставіць яго ў абраныя артыкулы.
Не выстаўляйце да рэцэнзіі зусім маленькія ці відавочна недапрацаваныя артыкулы.
Як высунуць артыкул да рэцэнзіі:
- Зьмясьціце зьнізу артыкула, перад катэгорыямі, шаблён {{рэцэнзія}}.
- Стварыце на гэтай старонцы падзел зьверху зь імем артыкула ў выглядзе спасылкі ў загалоўку. У ім коратка напішыце, для чаго высунулі артыкул да рэцэнзіі і крытыка ў якой вобласьці вас цікавіць больш за ўсё.
Пасьля сканчэньня рэцэнзаваньня (удзельнік, які высунуў артыкул, сказаў «хопіць» ці з апошняга паведамленьня-рэцэнзаваньня прайшло больш за два тыдні) зьмест старонкі рэцэнзаваньня пераносіцца ў абмеркаваньне артыкула, а загаловак запісваецца ў архіў. Таксама рэкамэндуецца скончыць рэцэнзаваньне артыкула пры намінаваньні яго ў добрыя ці абраныя. Сачыць за гэтай старонкай рэкамэндуецца ўсім актыўным удзельнікам.
| ↑ | Калі ласка, дадавайце новыя тэмы зьверху . Дадаць… |
Як вада, як агоньРэдагаваць
Артыкул пра найбольш поўную дагэтуль анталёгію беларускай паэзіі ў перакладзе на ангельскую мову быў створаны ў сярэдзіне лютага 2021. Цягам шасьці наступных тыдняў ён нязначна ўдакладняўся: трансьлітарацыя імёнаў, правапіс, спасылкі, - без істотных зьменаў. На 29 сакавіка 2021 ён мае памер 15,683 байтаў, тры разьдзелы (плюс Крыніцы і Вонкавыя спасылкі), арыгінальны здымак. Сярод крыніцаў - рэцэньзіі, апублікаваныя ў акадэмічных часопісах. Nieszczarda2 (гутаркі) 22:22, 29 сакавіка 2021 (+03)
- Хацелася б падзякаваць за цікавы, добра структураваны артыкул з вартымі даверу крыніцамі. Як на маю думку, то нейкіх істотных хібаў або прагалаў няма, астатняе — хіба справа густу. Калі ёсьць думка вылучаць гэты артыкул у добрыя, то варта зьвярнуць увагу на вось гэты пункт крытэраў добрых артыкулаў: добрыя артыкулы павінны <...> Мець <...> інтэрвікі (напрыклад, можна стварыць адпаведны накід у ангельскай Вікіпэдыі або ў беларускім разьдзеле афіцыйным правапісам). --Kazimier Lachnovič (гутаркі) 12:56, 9 красавіка 2021 (+03)
- Вялікі дзякуй за падказку. Nieszczarda2 (гутаркі) 12:34, 18 красавіка 2021 (+03)
ХвойнікіРэдагаваць
5 студзеня 2010 году Удзельнік:Ліцьвін стварыў артыкул памерам звыш 10 кілябайт. Ад 23 траўня 2020 году па 24 сакавіка 2021-га Удзельнік:Дамінік дапоўніў яго больш як 3-кратна на 76 Кбайт, якія склалі 70 % са 108 КБ зьместу. 29 лістапада 2020 году заклікаў асноўнага аўтара вылучыць артыкул у добрыя (Гутаркі ўдзельніка:Дамінік#Хвойнікі). Мінула звыш 3-х месяцаў без адказу. Артыкул ёсьць 70-м паводле абсягу ў Беларускай Вікіпэдыі (Спэцыяльныя:Доўгія старонкі) і зь 17 жніўня 2020 году перавышае памерам 100 кілябайт, таму «амаль пэўна мае быць падзеленым» (en:Wikipedia:Article size#Size guideline). Артыкул зьмяшчае ўводзіны і 108 крыніцаў, сьпіс літаратуры і заўвагаў, мае разьвітую герархію з 20 разьдзелаў і падразьдзелаў, 24 вольныя выявы і 3 шаблёны, дыяграму і табліцу, 3 катэгорыі, міжмоўныя і вонкавыя спасылкі. Што варта дарабіць перад вылучэньнем у добрыя? (Вікіпэдыя:Крытэры добрых артыкулаў)--Удзельнік:W 17:42, 25 сакавіка 2021 (UTC+3)
- Добры артыкул! Мо варта было б усю гісторыю перанесьці ў асобны артыкул, а тут пакінуць больш сьціслы варыянт? - Для большага балянсу з рэштай разьдзелаў.Nieszczarda2 (гутаркі) 12:31, 3 красавіка 2021 (+03)
- Вялікі дзякуй за прапанову. Стварыў артыкул Гісторыя Хвойнікаў. Прыбраў 2-моўныя паўторы і звароты пан у 2 падразьдзелах, што зьменшыла тэкст на кілябайт. Але дадаў унутраныя спасылкі пра князёў.--Удзельнік:W 12:58, 4 красавіка 2021 (UTC+3)