Вячаслаў Малафееў

Вячаслаў Аляксандравіч Малафееў (па-расейску: Вячеслав Александрович Малафеев; нарадзіўся 4 сакавіка 1979 году, Ленінград, СССР) — расейскі футбаліст, брамнік нацыянальнай зборнай Расеі. Заслужаны майстар спорту Расеі.

Вячаслаў Малафееў
Пэрсанальная інфармацыя
Нарадзіўся	4 сакавіка 1979 (45 гадоў) Ленінград, СССР
Рост	185 см
Вага	76 кг
Пазыцыя	брамнік
Моладзевыя клюбы
1997—2001	Спартак Тамбоў
Клюбы
Гады	Клюб	Гульні (галы)¹
1997—2016	Зэніт	322 (0)
Зборныя
2003—2012	Расея	29 (0)

Кар’ера

Клюбная

Малафееў дэбютаваў у матчы супраць ўладзікаўкаскай «Аланіі», пасьля таго, як Раман Беразоўскі быў выдалены за абразу ў адрас судзьдзі. Аднак скарыстацца шанцам стаць першым нумарам Малафееў ня здолеў. Тым ня менш, менавіта з гэтага часу Вячаслава сталі выклікаць у алімпійскую зборную Расеі, за якую ён упершыню згуляў супраць Армэніі 4 верасьня 1999 году.

У 2003 годзе Малафееў разам з «Зэнітам» заняў другое месца ў чэмпіянаце, атрымаўшы прыз «Брамнік году» імя Льва Яшына й трапіў у сьпіс 33 найлепшых футбалістаў чэмпіянату Расеі. Два раўнацэнныя брамнікі «Зэніту», Каміл Чантафальскі й Малафееў, стала змагаліся за месца ў асноўным складзе. У 2005 годзе, зарабіўшы выдаленьне ў кубкавым матчы супраць ЦСКА, Вячаслаў надоўга стаў другім брамнікам. У сваю чаргу, у пачатку 2006 году Чантафальскі быў выдалены ў матчы Кубка УЭФА супраць «Русэнборгу», і Малафееў у выніку згуляў у тым годзе 36 гульняў, прапусьціўшы ў іх 30 мячоў і зноўку трапіўшы ў сьпіс 33 найлепшых футбалістаў чэмпіянату.

У наступным годзе ў каманды не было ярка выяўленага першага нумару. Малафееў згуляў 24 гульні, прапусьціў 27 мячоў, заваяваў залатыя мэдалі чэмпіянату й стаў «брамнікам году».

Міжнародная

З 2000 году Вячаслаў прыцягваўся да збораў нацыянальнай зборнай Расеі. У лістападзе 2003 году Вячаслаў згуляў свой ​​першы матч за зборную Расеі, калі Расея праводзіла другую стыкавую гульню супраць зборнай Ўэйлзу.

Дасягненьні

Клюбныя

Зэніт

• Чэмпіён Расеі (3): 2007, 2010, 2012
• Уладальнік Кубка Расеі (2): 1999, 2010
• Уладальнік Кубка расейскай Прэм’ер-лігі: 2003
• Уладальнік Супэркубка Расеі (2): 2008, 2011
• Уладальнік Кубка УЭФА: 2008
• Уладальнік Супэркубка УЭФА: 2008

Міжнародныя

Расея

• Бронзавы прызэр чэмпіянату Эўропы: 2008

Асабістае жыцьцё

Вячаслаў зьяўляецца ўдаўцом, ягоная жонка Марына Малафеева, былы прадпрымальнік, загінула ў аўтамабільнай аварыі 17 сакавіка 2011 году. Разам з Марынай у Вячаслава маюцца двое дзяцей — дачка Ксенія (2003) і сын Максім (2006).

Вонкавыя спасылкі

Вячаслаў Малафееў — сховішча мультымэдыйных матэрыялаў

• Афіцыйны сайт
• Профіль на афіцыйным сайце «Зэніту»
• Профіль на сайце sports.ru