Вэтэрынар

Вэтэрына́р, саст. канава́л — спэцыяліст з вышэйшай або сярэдняй спэцыяльнай адукацыяй, які займаецца лячэньнем жывёлаў (вэтэрынарыяй) і спадарожнымі абавязкамі.

Студэнты ў вэтэрынарнай клініцы

Месца працы

Вэтэрынарныя лекары працуюць:

• у вэтэрынарных клініках;
• на вэтэрынарных станцыях;
• у заапарках;
• на прадпрыемствах па гадоўлі сельскагаспадарчых жывёлаў;
• на пунктах кантролю прадуктаў і сыравіны жывёльнага паходжаньня;
• сабакагадоўчых гадавальніках, зьверафэрмах, рыбных гаспадарках.

Абавязкі

У сьпіс жывёлаў, абавязковых да вывучэньня вэтэрынарам, уваходзяць коні, буйныя і дробныя сельскагаспадарчыя жывёлы, сьвіньні, сабакі, кошкі, трусы, мышыныя, птушкі і інш. Вэтэрынары вывучаюць іх анатомію, фізыялёгію, патафізыялёгію, мікрабіялёгію. Акрамя агульных дысцыплінаў вэтэрынарны ўрач павінен ведаць прыватныя — прыватная фізыялёгія (напрыклад, сабакі), хваробы пчол і рыб, вэтэрынарна-санітарная экспэртыза жывёльнай сыравіны (скура, шкура, мяса, малако, рыба, і г. д.)

• 
  Правядзеньне нутраскурнага тэсту на алергію ў сабакі
• 
  Вэтэрынарны шпіталь
• 
  Вымярэньне крывянага ціску ў коткі