Вусьць-Коксінскі раён

Вусьць-Ко́ксінскі раён (па-расейску: Усть-Коксинский район; па-паўднёваалтайску: Кöк-Суу аймак) — раён Рэспублікі Алтай Расейскай Фэдэрацыі. Адміністрацыйны цэнтар — сяло Вусьць-Кокса. Насельніцтва 15 981 чалавек (2021). У раёне 42 населеных пунктаў у складзе 9 сельскіх паселішчаў. Назва раёну ў перакладзе з паўднёва-алтайскай: зялёная вада.

Вусьць-Коксінскі раён
Герб
Агульныя зьвесткі
Краіна	Расея
Статус	муніцыпальны раён
Адміністрацыйны цэнтар	Усць-Кокса[d]
Дата ўтварэньня	1923
Насельніцтва	▼15 801 чал. (2021)
Плошча	12,958 км²
Месцазнаходжаньне
Мэдыя-зьвесткі
Часавы пас	краснаярскі час, омскі час, UTC+7
Афіцыйны сайт
Дадатковыя мультымэдыйныя матэрыялы

Геаграфія

Раён знаходзіцца ў паўднёва-заходняй частцы Рэспублікі Алтай, у яе горна-стэпавай зоне. Плошча 12 958 км². Мяжуе з Казахстанам.

На тэрыторыі раёну разьмешчана 439 азёр. Самыя буйныя: Тальмень, Мульцінскія, Кучарлінскае маюць значную даўжыню (2-5 км) і глыбіню да 30-50 м.на Катунскім горным сьцягу разьмешчаны 391 ледавік агульнай плошчай 245 км2.

Раён прыроўнены да раёнаў Крайняй Поўначы.

Славутасьці

На мяжы Вусьць-Кокссінскага, Кош-Агацкага раёнаў і Рэспублікі Казахстан знаходзіцца гара Бялуха (4506 м.), самая высокая горная вяршыня ў Сыбіры. Са шматлікіх леднікоў гары бярэ свой пачатак рака Катунь, апета як у старажытных паданьнях, так і ў сучасных вершах і песьнях. 10 чэрвеня 1997 году ў мэтах захаваньня прыроднай спадчыны і гарманізацыі гаспадарча-культурнай дзейнасьці на тэрыторыі раёну створана Дзяржаўная ўстанова Рэспублікі Алтай «Прыродны парк „Бялуха“».