Вугорская акадэмія навук

Вугорская акадэмія навук (па-вугорску: Magyar Tudományos Akadémia) — вышэйшая навуковая ўстанова Вугоршчыны. Заснаваная ў 1825 годзе. Знаходзіцца ў Будапэшце. Да 1949 дзейнасьць ВАН абмяжоўвалася культурна-асьветніцкай і выдавецкай працай. У 1949 ВАН была рэарганізаваная. Асноўная задача ВАН — разьвіцьцё прыродазнаўчых і грамадзкіх навук у краіне і іх каардынацыя.

У складзе акадэміі звыш 40 навукова-дасьледчых інстытутаў; з дапамогай і пад кіраўніцтвам ВАН праводзіцца дасьледчая работа больш чым на 140 кафэдрах унівэрсытэтаў і навуковых цэнтраў.

Аддзяленьні

ВАН складаецца (1970) з 10 аддзяленьняў:

мовы і літаратуры;
гісторыі і філязофіі;
фізыка-матэматычных навук;
сельскагаспадарчых навук;
мэдыцынскіх навук;
тэхнічных навук;
хімічных навук;
біялягічных навук;
эканомікі і права;
геоляга-геаграфічных навук і інш.